Archieven

50 Voor Willem Fredericx vanden Ghoor ende Hendrick Janssen Vercreijel, schepenen in Geffen, is verschenen heer ende mr. Gerart van Amstel vicarius perpetuus tot Geffen. Deze heeft geclaecht dat hem den wech beleth worden om te varen of drijven op de ackerkens gelegen achter de elshoff de pastorije toebehorende, ostwart den h. Geest, westwart Adriaen Willemss ende Jan Rembouts, noortwart Jan Jacobs vanden Bogart suijtwart; ende hebben alsoo ten versuecke ende bede van hem des heere requirants gegaen ten vors plaetse ende oculaire inspectie genomen over tvors erff ende mede de gelegentheijt der zelver nerstelijck gevisiteert, oock geinformeert sijnde opte usantie des lants aldaer, ende op alles wel ende rijpelijck geleth, soo eest dat wij bovens. schepenen ter manisse des schouteths hebben verclaert ende tonser bester juge ende wetenscap wtgesproken als dat tvors lant westwart gelegen als wesende den naesten wech ende minste scade, subject sall sijn soo wel des des eenen als des anderes geerffenisse immediatim daer gelegen te weghen het vors lant aldaer de pastorije toebehorende, tot den wech lopende over den naestgelegen acker ende alsoo naeder gemeijnder straten; soo nochtans datmen den selven sal neemen aen d’een oft d’ander sijde tot minste lesie oft scade der geerffden, ende dat hij den vors wech sal mogen gebruijcken tot sinte Marten toe, emmers ter tijt ende wijlen toe dat contrarie deser sal bevonden oft bethoont worden.
13-10-1626.