Archieven

260 Peter ende Heijman gebrueders soene wijlen Goijaert Wouters ende Jan van Boern als man ende mombaer Mechtelden sijne huijsfrouwen dochter Goijarts voerschreven ende Lambrecht Goijartssoen als man ende mombaer Annen sijnder huijsfrouwen ende Gerit Nelissoen als man ende mombaer Heijltken sijnder huijsfrouwen oock dochter Goijaert Wouters voerschreven ende Margriet oeck dochter wijlen Goijart Wouters ende Adriaen Wijllemssoen als man ende mombaer Mariken sijnder huijsfrouwen oeck dochter wijlen Goijarts voerschreven. Ende hebben erffelijck opgedragen ende overgegeven Ariaenen Goijaerts eenen jaerlijcke ende erffelijcke chijns. Welcken chijns Wijllem van de Nuwenhuis jaerlijckx geloeft hadde te vergelden alle jaeren op Lichmis Goijarden Wouters van ende vuijt huijs, hoff gelegen in die prochie van Sint Oeden Roij tot Houthem, streckende mette eender sijden neve erffenis Catherijn Lantmeters ende metten eene sijde eijnde aen erffenis Gerit Sanders ende voerschreven, rontomme aen die gemeijne straet. Noch van ende vuijt eene heijcamp een deels heijde ende een deels weijde gelegen ter selver prochie tot Ollant, neven erffenis der erffgenamen Wijllem Driessen, erffenis der erffgenamen Dierck Michiels, Mathijs Wouters, die gemeijn straet.