Archieven

139 Delis Henrick Meus met Jenneken sijn sustere hebben erffelick vercoft en opgedragen Lamberden Willen Henrixs eenen jaerlixen en erffeliken pacht van eenen Boos mud roggen tot Erp te leveren, op Lichtmijs te leeveren en betalen, van en vuijt huijs, hoff en erffenijs geleegen in den parochien van Erp ter plaetsen genaempt, op te Pals, deen sij geleegen neven erffenijs Lijn weduwe Danelt Jans met meer anderen, dander sijde die gemeijnt, deen eijnde Dirck die Leeuw, dander eijndt die gemeijnt voirs. en hebben die voirs. Delis en Jenneken daer op helmelinge vertegen tot behoeff des vercopers voirs. en geloeven op hen en allen hennen gueden hebbende en vercrijgende die voirs. huijs, erffenijs voer die jaerlixe betalinge goet en waeldogende te maken met voerwaerden dat sij den voirs. pacht altijt op Lichtmijs sullen mogen lossen en quiten met vijftich Carolus gulden xx stuivers stuck gevaluerts gelts en met allen aftertellen des pachts voirs. mer sullen een vierdel jaers te voeren opseggen. Actum anno xv lx op Ons Vrouwen Avont. Testes Gerit Jacops, Sander Henrix Buerten.