Vermits (?) seer goet gepreesen ende verdienstelijck is een ander te beeren/leeren (?) dat hem is dienstelijck tot zijnder zielen salicheijt heeft mij ondergeschreven goet gedocht ter eeren Godts mijnder zielen ende veele andere zielen proffijtelijck sommighe van mijne guederen, die mij van Godt den Heere sijn verleent ende sal achterlaeten te emploijeren ende ….die te schicken om dat daer voor Godts eere ende der zielen salicheijt moch vermeedert worden ende datter eenighe daer mede geholpen mochten worden in henne studeeren ende daerdoor bequaem naemaels mochten worden om andere totter tot der salicheijt te leeren, Soo is dan mijnen wille dat mijne executeuren mijns testaments nae mijnder afflijvicheijt soo haest als mogelijck ende hen bequaem sal wesen, sullen vercoopen mijn huijse staende in de Peperstraet ende die penningen [769] daer aff comende bueren die renten ende chijnssen daer vuijt gaende sullen aenleggen om goeden ende renten ende chijnssen daer mede te vercoopen oft nijeuwe renten ende chijnssen op goede ende sufficiënte onderpanden te coopen ende daerenboven oock sullen vercoopen alle mijn meubele guederen ende huijsraet te weeten mijn boecken, cleederen, lienwaer, theenwerck, coperwerck, houtwerck, bedden ende henne toebehorten ende andere huijsraet zoe die genoempt mocht worden ende dat gelt dat daer gevonden mocht worden ende sal overschieten als allen legaeten kerkelijcke rechten oft schulden sullen betaelt sijn, dan sullen met die vercochte penningen van den huijsraeth voors. ende gedane coopen ofte …eeren dijer gelijcke chijnssen ende rechten om daer mede te fundeeren een burse daer mede geholpen mocht worden een student in zijn studeeren als naemaels sal verhaelt worden [769r] – item wil ick dat die renten ende chijnssen resterende ende mij sullen competeren van mijn beneficium van den elff uren misse in St.Janskercke cum anno gratiae [dubieus] als die dienaere daer aff sa; betaelt zijn -
Copie – dat voor ons comen is Aert Sijmons van den Eijnde
Dat voor ons comen is Aert Sijmons van den Eijnde ende heeft erffelijck vercocht opgedragen ende overgegeven een jaerlijcxe rente van twentich gulden t’siaers tot behoeff van de provisoirs ende rentmeesters der fundatiën van Heer en Mr. Peter van den Eijnde saliger nu ter tijt sijnde oft naermaels comende verschijnende op Lichtmis dach ut welcke fundatie betaelt moet worden van een jaergetijt alsoo bijden fundateur gemaeckt aende kerckmrs. van Lierop jaerlijcx drie gulden dewelcke moeten cortten aen die [743] voors. xx gl.
Daerenboven fundeert hij noch twee buersen voor twee studenten in die universiteijt van Loeven yeder van vijftich gulden erflijck voer zijn bloetgewanten ende die van Lierop ende die desicierende voer die van Loeven quellick middel hebbende, geboren wesende [740r] in de parochie Sinte Quintijns ende die desicierende voer alle die van Loeven maer dese buersiers moeten bequaem wesen om te hooren logicam inde borgh collegie ende sullen die buerse gebrjuijcken tot dat sij gemeestereert zijn ende gemeestereert zijnde inne die cunsten ende sij van dat bloet gewant ende voer die middel sij in die promotie ende studeert sal die buerse gebruijcken seven jaeren in die grote collegie der Godtheijt oft op een ander plaetse daert bequaemer mocht wesen ende in so verse dat hij van Loeven is soe moet hij wesen in die promotie voer den xxv welcken in soe verse hij in die Godtheijt studere mach die buerse oock noch vier jaeren gebruijcken.
Maer geen vrient wesende noch van Lierop noch van Loeven begeert dat dese buerse sullen hebben van wie dat sij, gelijck in sijn ierste fundatie secundum ordinem ibi is utgesproocken, dese presentatuers ofte [741] collatuers
In sijn andere goederen stelt hij erffgenamen sijn broeders ende susters oft sijns susters ende broeders kynderen soe verre daer ennige overleden zijn ende dat in stirpes – die executuers van dese zijn testament ende zijn vuijtersten wille kiest ende nomineert die eerwerdigen mannen heer ende mr. Adam van den Ghoor priester et collegie Sancti Petri van Dale presiderende ende Heer Jan Buisernt J.v. Licenciaet ende Canonick Cathedralis Ecclesiae Tornacensis of Cornacensis (?) ende sijnen successuer in soo verse dat die in sijn presentia collegij viglij ende oeck Mr. Lucas Oems priester et Sacre Theologhie baca laurinum formatum familiarumsum in soo verse dat die voirscreven drie heeren naer die doot van den testatuer hier te Loven compt te wonen, maer in so verse [742] datter een van dien gebreecke sullen die…. der twee genoch wesen