Notaris-, schepen- en andere akten

320 Lambert Lamberts van Tartwijck heeft erffelijck opgedragen en overgegeven Peterken de weduwe Gerit Jans van Uden tot haerder tochten en leenen en voert nae haerder doot der Tafelen van den Heijligen Geest tot Erp, een jaerlijcken chijns van ii gulden xv stuivers, te vergelden alle jaer op ons vrouwen Lichtmis dach metten pacht te Lichtmis voerleden verschenen weesen uit huijs, schuer, hofstad en hof, bachuijs en erffenisse daer aen gelegen, groet xiiii loepensaet lands ofte daer omtrent, gelegen in de parochie van Erp, in die Astart, tussen erffenisse Thonis Willems ter eenre sijden en die gemeijnt ter anderen sijden en een eijnde streckende metten anderen eijnde op erffenisse Marcelis Daems. Noch uit een stuck beemps dwelck rijt jaerlijx tegen Henrick Boeijen anderhalve buenre groet of der omtrent, gelegen in de parochie vs. in de Lijncken, tussen erffenisse Henrick Boeijen vs. ter eenre sijden en die gemeijnt aen dander sijde en een eijnde metten anderen eijnde aen erffenisse aen erfgenamen Goijaert Gerits zoen welcken chijns vs. Ariaen Jan Driessen wilner in coep vercregen hadde tegen Goessen soen wijlen Dirck Goessens als in scepen brieven van den Bosch voerden begrepen is, en heeft daer op vertegen op allen brieven en rechten daer van tot behoef etcetera geloeven te weeren en commer van sijnre wegen daer in aff te doen uitgesceijden den los nae uitwijsen den brieven daer aff wesen. Actum anno xv xlv den xvii dach aprilis. Testes Loenis van Ponsendael, Goessen Huijben, Henrick Claes Delis.