220.38 Index Beurzenstichtingen (220.38)
1 Extract getrocken vuytten testamenten van Jan van den Eijnde ende Aleiten sijne huijsvrouw gemaeckt den 19 februarij 1506 waerinne onder meer andere staet aldus:
Item ick Jacob voirgen. beset den Convent van den Susteren van Bethanien vander Regularissen oirden binnen der stadt van ‘sHertogenbossche opten Wyntmoelenberch gelegen eenen erffpacht van twee mudden rogghen der maeten van Sommeren die ick jaerlycx geldende hebbe, vuijt eenre hoeve geleghen in die prochie van Soemeren die toe plach te behooren wilnere Hendrijcken van der Hostat ende toebehoorende is Claesen Wilhelm Diericxssen ende is geleghen aene dat Slijven [vgl. Slieven] bij dat goet geheijten te Vladeracken - Item noch eenen erffpacht van twee mudden roggen der maten van Soemmeren die ick geldende hebbe vuijtter hoeven geheijten dat Voertken toebehoorende den kinderen Jans van Kessel ende ick vercregen hebbe tegen Henrijcken Hoerkens nae inhoudt van schepenen brieven Bossche – Item noch beset ick den selven convente eenen erffpacht van twee mudden rogghen der maten van Soemeren die de erffgenamen Jan Henrijcxssen van Eckerbroeck mij jaerlycx geldende sijn vuijt hoire hoeve geleghen in de prochie van Soemeren bij die hoeve des Goidshuijs van Postel geheiten die hoeve tot Gheene Rode ende welcken pacht Heer Dierck Sconck priester mijn neve mij in sijnen testamente tott mijnder vrijer dispositien ende wille beet ende gelaeten heeft nae inhoudt van den testamenten daer aff synde nae doot van mij Jacoppen ende Aleiten mijnre huijsvrouwe beyde ende niet eere, dese voors. pachten maeckende tsamen ses mudde rogghen erffelijck te hebben ende op conditiën naegeschreven te besitten, te weeten ierst dat voors. convent alle jaer dese voors. pachten sal beheeren tot collatiebier , in die vasten des avonts in heuren reventher te gebruijcken, ende terstont als sij de collatie hebben gedroncken sullem sij tsamen gaen in [5] heure kercke
Item ick Jacob voirgen. beset den Convent van den Susteren van Bethanien vander Regularissen oirden binnen der stadt van ‘sHertogenbossche opten Wyntmoelenberch gelegen eenen erffpacht van twee mudden rogghen der maeten van Sommeren die ick jaerlycx geldende hebbe, vuijt eenre hoeve geleghen in die prochie van Soemeren die toe plach te behooren wilnere Hendrijcken van der Hostat ende toebehoorende is Claesen Wilhelm Diericxssen ende is geleghen aene dat Slijven [vgl. Slieven] bij dat goet geheijten te Vladeracken - Item noch eenen erffpacht van twee mudden roggen der maten van Soemmeren die ick geldende hebbe vuijtter hoeven geheijten dat Voertken toebehoorende den kinderen Jans van Kessel ende ick vercregen hebbe tegen Henrijcken Hoerkens nae inhoudt van schepenen brieven Bossche – Item noch beset ick den selven convente eenen erffpacht van twee mudden rogghen der maten van Soemeren die de erffgenamen Jan Henrijcxssen van Eckerbroeck mij jaerlycx geldende sijn vuijt hoire hoeve geleghen in de prochie van Soemeren bij die hoeve des Goidshuijs van Postel geheiten die hoeve tot Gheene Rode ende welcken pacht Heer Dierck Sconck priester mijn neve mij in sijnen testamente tott mijnder vrijer dispositien ende wille beet ende gelaeten heeft nae inhoudt van den testamenten daer aff synde nae doot van mij Jacoppen ende Aleiten mijnre huijsvrouwe beyde ende niet eere, dese voors. pachten maeckende tsamen ses mudde rogghen erffelijck te hebben ende op conditiën naegeschreven te besitten, te weeten ierst dat voors. convent alle jaer dese voors. pachten sal beheeren tot collatiebier , in die vasten des avonts in heuren reventher te gebruijcken, ende terstont als sij de collatie hebben gedroncken sullem sij tsamen gaen in [5] heure kercke
Vervolg:
ende lesen aldaer die [p]salmen Miserere mei Deus ende de Profundis met eenre collecten pro defunctis door den selven Jacoppen ende Aleiten synre huijsvrouwe ende daer hijs voort begeert ten anderen dat voors. convent oft niemandr van huere wegen, die voorss. pachten in heel oft in deel en sullen moegen vercoopen vervreemden veranderen oft belasten mair jaerlycx heffen ende boeren ende beheeren als voorss. is ende ingevalle dat convent voorss. hieraff contrarie dede, dat alsdan die voorss. ses mudden roggen der maten van Soemeren alleen terstont sullen coemen erffelijck totten H.Geest van Soemeren omme die alsdan jaerlycx den armen gespijnt te werden welcke sesse mudden roggen voorss. naerder instructien mijns genadighen Heeren oijck meere bedevrije sijn geweest ende dat nae vuijtwijsen van den schepenen brieven daeraff synde [ op 6 copijen van rhentebrieven wegens de Beursen van Someren.
Persoon in schepenakte:
Datering:
19.2.1506
Pagina:
4-5
Soort akte:
Testament
Plaats:
's-Hertogenbosch / Someren
Toegangsnummer:
220
Inventarisnummer:
Bron:
Beurzenstichtingen
Geografische namen:
1 gedigitaliseerd