Archieven

17 Bijn wedue wilen Dirck Rentgens heeft ten ewigen dagen quijt geschouden Arien Willems ende Meriken wedue wilner Peter Daemen met allen hoer naecomelingen 2 pont paijments jairlijcks pachts welck Bijn voirs jaerlix had wt hosteijde ende hoeven tot Lith, belendingen: Arnt Ghijben erfgenamen; Baert Corten; de straete; den Eng; op welcke hosteeden ende hoeven die voirs Arien ende Meriken wonechtich zijn in hoeren gebruijck ende behalt hebben ende Bijn voirs bekende die voirs onderpanden ten ewigen dagen daeraf quijt los ende vrij te zijn. Testes Henric Cling, Jan Arntss. Akte doorgehaald.

18 Jan Arntss, Dirck Beerntss, Henrick Cling, Gerit Ghijben, Gerit Reijnerss ende Jan Geritss, scepenen in Lith, tuijgen dat wij met raedt, hulp, hant ende mont vanden schout tot Lith Beernt Thijss, ende de gezworen ende meer ingeseten nabueren sdorps van Lith hebben in huere gegeven Jannen van Merxen die ou steeg gelegen in Lith als vanden afterster dellen totte steeck toe afterwaerts 16 jaeren lanck naestcomende, daer af dat ierste jair sal omgaen sijn tot Sinte Marten naestcomende inde winter; voer een somme van somme van penningen die Jan voers daer op voertijts onse dorpe gedaen heeft ende daer op beleent had, tot alzulcken eijnde dat die selve som metten 16 jaeren voers geheel doot sal sijn, alzo dat Jan voirs van wegen der hueren voirs anders niet en sal geven ofte oock niet en sal bueren die som die hij daer op voirtijts beleent heeft, ende dat die gemeijn nabueren van Lith die steege voirs nae de 16 jaeren voirs weder om vrij sullen anvangen ofte geloeft voertijts van wegen der stege voirs gepasseert sijnde, ende wij scepen mette scholt, gezworen ende meer nabueren sdorps van Lith hebben geloeft Jannen van Merxen voers dese voirs huer vast ende stede te houwen ende den schoof te waeren op alle onse guden des scholt, gezworen voirs. Testes omnes scabini. ERONDER: hier zijn af twee brief bezegelt een voir den dorpe ende den andere voir Janne van Merxen.

19 Goert vander Eijken draagt op Jacob Herbertss een mouwer rogge jairlix pachts, welcken pacht Goirt voirs gecoft heeft van Gerit den Keijse ende heeft hem mede opgegeven den schepen brief van Gemert daer af sprekende, welck nu ter tijt onder schepen staet alzo sij seijden. Testes Henric Cling. Akte doorgehaald.

20 Henrick Janss van Heeze als man Mergriet wittige dochter wilner meister Dircks, draagt op heer Peter Coman tot behoef Rutgers soen wilner Jan de Smit die helft die Henrick voirs had aen een hostadt in Lith aende dijck den waterganck toebehoirende, belendingen: Jan Henrickss erfgenamen; Peter Jacobs; Jan Henrickss erfgenamen; die cleijn maze. Hieruit de helft van eenen negen tzijns der heeren van sinte Lambrecht tot Ludick ende der maesdijck daer in ofte daer aen gelegen. Testes Jan Arntss, Ge. Ghijben.