Archieven

5 Henrick wittige soen wilner Claes Wolboocker verkoopt Peter Sijmonss die Smit 3 sester roggen jaerlix pachts welcke Gerit Nollen Arntss voirtijts geloeft heeft Peter Janss te betalen jairlick op Sinte Catharijnen dach wt eenen huijse ende hove, belendingen: erfgenamen Ghijsbrecht Baukenss; Goesswijn Bock Janss; gelijck dat in eenen schepenbrief van Lith daerop gemaect volcomelijker begrepen is; welcke Henricken denselven pacht in eenre erfdeijlinge van susters ende bruers angedeijlt is; item Henrick heeft noch vercoft Peter Sijmonss voirs 2 pont paijments jairlix pachts welck Willem van Eijnde ende Mergriet van Aelst met hoeren gecoren momber geloeft hebben Peter Janss wt eenen huijse ende hove anden dijck gelegen, belendingen: Dirck Muijckens erfgenamen; Aelert Teijen Henrickss; den dijck; Ghijsbrecht Heijmerickss alle jair te korsmisse te betalen, welcke pacht angedeijlt is Jan van susteren ende bruers Jan Claes Wolboockerss ende voirts dieselve Jan die selve 2 pont paijments heeft overgegeven Henricken sijnen bruer voirs met eenen last van die helft van 20 voeten maesdijcks gelegen tot Lith tegen der ermerhoeve tusschen dijck Coenraerts van Bockhem bovennaest ende Reijner Ghijsbrechtss benedennaest. Peter moet hieruit onderhouden 20 voet maesdijcks voirs ende noch daer toe 5 voet maesdijcks die Henrick voirs oock had an die selve 20 voeten ende noch dat dat vijfste gedeelte van 10 voeten maesdijcks gelegen inde begroesden dijck omtrent dat neerste eijndt vande laetste oplaegen gelijck wilen Peter Janss aldaer met recht plach te hebben. Testes et datum ut supra. Akte doorgehaald.

6 Peter Sijmonss die Smit belooft Henrick Wolboock dat hij sal bewaren 15 voeten maesdijcks tot Lith tegen der ermer hove gelijck Henrick.. plach te hebben ende noch den vijfste gedeelte van 10 voeten maesdijcks gelick wilner Peter Janss die Hollander met recht mocht hebben liggen tot Lith inde begroesde dijck omtrent dat neerste eijnt vande laetste oplaegen alzo dat Henrick voirs ende zijn erfgenamen egheensins ennige schade of commer af comen. Testes et datum ut supra. Akte doorgehaald.

7 Iken wedue wilner Peter Janss die Hollander heeft hair doot gemaect ende hair tocht afgegaen tot behoef Jan ende Huijg hair kijnder ende Gerits de Vrieze man Lijsbet haer dochter van huijs hostadt ende gesete gelegen tot Lith aen den dijck, belendingen: Arnt Goertss; Jan Peterss; Gerit die Vrieze voirs; die cleijn Maze; noch in enen ouwen schilt welck sij had wtter hostadt Luijtgairts wedue wilner Jans van Berckel. Testes Jan Arntss, Jan Geritss. Akte doorgehaald.

8 Jan wittige soon wilner Peter Janss die Hollander draagt op Huijg zijnen brueder ende Gerit die Vrieze Rutgerss zijn swaeger dat selve gedeelt als Jan voirs met recht an verstorven is van wilner Peter Janss zijn vader, daer oock keden dese dach Iken zijn moeder hoir selve voir dat opg. voirs in doot gemaect heeft, als in huijs, hostadt ende gesete voirs. Ende noch heeft hij oock opgedragen Huijgen ende Geridden voirs zijn gedeelte dat hij had an eenen ouwen schilt wt Luijtgairt van Berckels hostadt gaende. Hieruit jaarlijks 2 mouwer roggen den gasthuijs ende den heijligen gheest ten Bosch; noch sullen Huijg ende Gerit voirs erfelick houden een hecken voir an den dijck ter sijde van Arnt Goertss dair Jan Peterss voirs altijt doir sal moegen passeeren, varen ende met zijn selfs beesten drijven (zonder dat ze er schade van ondervinden); item Huijg ende Gerit voirs sullen deen helft ende Jan voirs dander helft tusschen beij after altijt heijmen ter Maze toe ter plaetse daer dat gelint alnu staet. Wtgenomen dat jaerlijcke gelt daer dat huijs ende gesete voirs jairlix op geset mach worden van wegen den brantschattinge welck Huijg ende Gerit voirs met dair toe sullen gelden. Testes et datum ut supra. Akte doorgehaald. ERONDER: Item Jan Petr Janss ende Huijg zijn buer ende Gerit die Vries huer zwaeger hebben overgegeven dat al alzulcke gereet goet welck sij tot noch toe ewech gehadt hebben van Iken huer moeder dat en sal nijemant in brengen inde deijlinge mer alleen die erven ende erfrenten. Testes et datum ut supra. Akte doorgehaald.