Archieven

9 Gerit die Vrieze Rutgerss draagt op Huijg Peter Janss zijn zwaeger die helft die hij had an huijs hostadt ende gesete ende die helft die hij had an eene ouwe schilt voirs, beheltelijck dat Huijgh voirs daer toe sal betalen jairlix den geheelen pacht inden brief begrepen. Testes et datum ut supra.

10 Want Jan Peter Janss ende Gerit die Vrieze zijn swaeger hebben overgedragen Huijgen Peter Janss een huijs hostadt ende gesete voirs, met eenen last van eenen jairlijcken pacht eens mud roggen welck Iken huer moeder plach te gelden den heijligen gheest ende den gasthuijs ten Bosch; so is voir ons gestaen Huijg voirs ende heeft geloeft Jan zijn bruer ende Gerit die Vrieze voirs op hem te betalen alle jair dat mud rogge voirs den heijligen gheest ende gasthuijs voirs ofte diement met recht sal behoeren te betalen. Testes et datum ut supra. Akte doorgehaald. ERONDER: 2 litterae una pro Joanne Petri et altera pro Gerardo Vrieze.

11 Alzo Jan wilner Peter Janssenss voir ons schepen op hude datum sbriefs had opgedragen Huijgen zijnen bruer ende Gerit die Vrieze Rutgerss zijnen zwaeger zijn gedeelte dat hij met recht had an huijs, hostadt ende gesete in Lit anden dijck, belendingen: Arnt Goertss; Jan Peters voirs; daerom zijn voort voir ons gestaen Huijg ende Gerit voirs ende hebben gekent ende gelooft Jan Peters voirs dat sij sullen houwen erfelick een hecken anden dijck ter sijde van Arnt Goertss daer Jan voirs altijt doir sal moegen varen ende met zijn selfs beesten drijven. Testes et datum ut supra. Akte doorgehaald.

12 Jan ende Huijg gebroeders wittige kijnderen wilner Peeter Janssenss ende Gerit die Vrieze huer swaeger hebben geloeft elck van hem voir sijn hoet Iken huer moeder alzo als sij sal leven eenen gulden alle jair op baemis dach. Testes et datum ut supra. Akte doorgehaald.