Archieven

13 Goirt Wkenss belooft Hanrick Cling 32 karolus gulden nu bamis dach naestcomende over een jair te betalen.

14 Peter Janss, Maren. Ott van Bijlant belooft Hanrick Wkenss 6 jair lanck naest comende ende te elckx der voirs iaren 3½ gulden ende 2½ stuver als voir de huur van 8 hont lants in Huijberts hoef te Kessel te betalen alsmen de lanthuer gemeindelick betaelt te weten Sint Marstensmis na der scare ende te korsmis wel betaelt.

15 Jan Aertz, Peter Janss. Dirck Berntss ons medescepen heeft Jannen ende Bernden sijnen wittige kijnderen gesamentlick ende enen ijgelijcken van hen bijsunder volcomen macht ten procuratie gegeven om sijn sculdt ende sijn ontsculdt te moigen heffen ende boeren ende dair allet in en toe moegen doen ende laten tsij met richt ofte ander sijns te procederen wes hij selver dair in ende toe soude moegen doen ofte laten of hij dair al selfs in persoen tegenwoirdich wair ende dat tot sijnen wederseggen toe.

16 Rut, Dirck Bernts. Rut de Coman Janss belooft het geseet het huijs mit alle het ghene dat Dirck van Geffen Gerit Everits vercoft had ende Gerit voors heeft den voirgenoemde Rutten dair in geweken bekennende dat hijs mach had van naerscappe wegh te lossen ende heeft sijn handt dair af getoegen.