Archieven

5 Alsolijcke geloifte als Hanrick Jacobss Moller Lijsken Ceeilkx Alerts dochter in scepen brieven van Lit geloift ende gedaen heeft als te weten van 16 k.k. gulden eens te geven binnen jairs ende van hem die te betalen, ende in dien hi des so nijet en dede so mucht hi die voirs 16 gulden met pacht tsiairs enen gulden te Bosche kermis te betalen hauwen so den brieven dat inhaut dien selve voirs geloifte ende brieven hebben Lijsken voors met hoiren soen als hoir gecoren momber ende erfgenaam met alle hairen recht welck hen inden selven voors brief bequaem toe behoirde dat hebben si te samen wittelick ende erfelick opgedragen onser scout Jan van Sambeeck mets alle verscenen pachten welck hem van Hanrick voors verscenen sijn. Datum cum testibus ut supra. Akte doorgehaald.

6 De gemeine scut ende guldbrueders vanden auwen scutten van Lit hebben overgegeven dat si nu scieten sullen ende dat Willem Mercelis Reintgen Colf Wdo Goirtz Brauwersz ende Ceeil Aert Ceilenz hoir gecoren ende gedeputeerde deeckens der gilden ende scutterie voors een deel mutssen ende bonetten van eenne coloire ende verwe wesende tot behoef der gemeinre brueders voirs so hen dat dbist ende oirbairlixt sal duncken te wesen sullen halen ende brengen, ende de scut diese dan voirts van hen lieden halen ende dair dan geen reet gelt voir in leggen of geven meer een luttel dilatie ofte borge begerende ende dan te besceiden ofte genoemden dach niet en gaven datmen als dan die geloifde penningen als verdient sal wt moegen peijnen metten so recht is met ofter ijemants wair die meijnden ten Bossch of elders betere coop muttsen te crigen die sal dair selfs moegen trecken ende coopen so goeijen coop als hij cam beheltelijckx datter vanden selven slaech ende verwe sij dair der anderen scut muttsen af sijn ende al sonder bedrocht. Jan Aertz, Jan Gerits Rut Peter Janss.

7 Reijner Dirck Joestens belooft Mercelis Sijmonss van Maren 6½ k.k. gulden tusschen dit ende bamis dach naestcomende te betalen. Jan Ge. Peter Janss.

8 Jan Artss van Heze belooft Marcelis Sijmonss voors 2 gulden ende 5 stuvers Sinte Martensmis toecomende te betalen. Datum cum testibus ut supra.