Archieven

17 Peter Sijmens sal moegen loessen ende quijten altit op korsmis 7 gulden siaers mit 114 gulden ende mitten pacht dair bij.

18 Jacop inden Boegert ende Art Aebben hebben geerffdeilt ende sijn gesceijen bij voerwaerden hir nae bescreven, dat sij hebben gedelt een hofstat daer die rosmoelen op staet ende dat overste eijnt daer die rosmolen steet sal halden den ganck vander moelen dat Jacop toe deel gevallen is ende dat nerst eijnt sal dat overste eijnt waeter laeten welcoer eijndt Arden toe deel gevallen is. Betugt voer scepen Hanrick Clijng ende Udo Gaertss.

19 Derick Dericxss van Baetenborch verkoopt een stuck weits op die corte weijen ende noch daer toe verhurt dat selver lant 5 jaer lanck naest een volgende, Bijen Dericxss ende Bijn Dericx sal dat lant aenfangen naeder scaeren ende dan sal die hur staen 5 jaer lanck naest een volgende. Voir scepenen Hanrick Clijng ende Rut Dericx. ERONDER: Bijn Derickx belooft Derick Deric van Baetenborch dat hij daer scaeij off kommer hebben en sal nu of ten ewijgen daegen als van eenen brijff inhaldende van 18 stuver siaers ende gaende vutten selven lant dat Derick Dericx verhurt heet Bijnnen Dericx 5 jaer lanck ende sal Derickken voors den brijff over geven ende betalen der heeren tijsn die vijff jaer.

20 Het sijn gekomen Huijg Gijben, Seel Gijben ende Gijb Huijgen beloven Gaert Gerits Reijnderss 23 gulden en 10 stuvers op boumisdach naestkomende te betaelen. Betugt voer scepen Gaert van Maeren.