Archieven

9 Hanrick Willem Gossens belooft te betalen Udo Gaerts vijff Peters 18 stuvers op bamis dach int jaer van 38 voer scepen Gaert van Maeren ende Peter van Hees Janss.

10 Wij Henrick Clijng, Jan Gerits scepen tugen dat voer ons komen is Peter Teus ende het opgedraegen ende daer nae verteegen in allen erve die hem van vader ende moeder aen verstorven, te weten een huijs ende hostat ende mit enen kamp lants gelegen dair teijnden geheiten rovers geseet ende geloeft Heijmerick Teus sijnen broder daer aff komen aff toe doen die van sijnre wegen dair op komen mach. ERONDER: Wij scepen voers tugen dat Heijmerick Teus ende geloeft toe betaelen Peter Teus sijnen broder ons toe geven 50 gulden te betalen nu ree op enen dach off twee ende die ander 40 gulden toe betaelen op korsmis naest komende die een helft ende die ander helft van kersmis over een jaer ende noch sijn ten Boss beslaegen 12 gulden die sal Hemmerick Peteren voors ontslaen ende vrijen dat Peter die 12 gulden vrij ende loss boeren sal. ERONDER: item noch sal Heijmerick betaelen ende Peter sijnen broder vrijen van allen pachten ende kommer die sij gevorven hebben ende alle pachten die ut den erven ende goederen gaen dat Peter daer scaeij off kommer bij hebben en sal. Item ist saeke dat Heijmerick nijet Peteren op sijn dage en betalt sal Heijmerick sijn ut geleet gelt quijt wesen ende Peter sal ende mach als dan sijn lant ende goet weder aen fangen.

11 Het sijn komen Heijmerick Teus ende Peter Teus gebroders wesende van vader ende moder ende hebben gemackt een erffdelijng. (1) Heijmerick krijgt: een huijs ende hostat mit enen kamp lants dair teijnden gelegen, belendingen: Peter Teus; Jan Roloffs; der straete; Mariken Goert die Brouuers dochter; hiertoe halden dat virdendeel van 10 voet dicx; hieruit gelden siaers een mud voets aen Jan van Gerwen; noch siaers 3 gulden; noch een hoet haveren die dair iaerlicx ock vt gaende sijn. Voer scepen Hanrick Clijng, Udo Goerts. (2) Peter Teus sal hebben tot sijnen gedelt een huijs ende hof mit enen kamp lants geleegen daer teijnden, belendingen: Willem Mercelis; Heijmerick Teus; de straete; Meriken Gaert die Brouwers dochter; hiertoe te halden dat virdendeel van 10 voet dicx; noch te belen jaerlix 6 gulden aen meester Cornelis van Ortten; noch alle jaer een hoet haeveren die vt dat goet iaerlix gaen.

12 Udo Gaertss belooft te leveren Gerit Eeveretss 6 malder weits voer boumis. Betugt voir scepen Hanrick Clijng ende Udo Gaerts. ERONDER: Wij scepen voors tugen dat Heijmerick Matheuss belooft Udo Gaertss scaedeloes toe halden dat hij daer scaeij off kommer bij hebben en sal als van die ses malder weits die Udo Gaertss geloeft heet toe leeveren Gerit Eeveraets.