Archieven

5 Bert Dericx ende Jan … Voor ons is komen Dirick Art Gossenss en heft geloeft te betalen Wolter Peterss van Heeze een summe gelts van 7 karolus gulden op Sinte Martens dach naestcomende ende toe korsmisse betaelt durende 6 jaer lanck naest een volgende.

6 Voir scepen Peter Janss ende Jan Art Zelenss. Hilliken wedue wijlen Jan..aessen heeft gegeven Geritden ende Adriaen hoeren wittichgen kijnderen verweeckt bij Jannen haeren getroude man geweest is allen haer recht ende onrecht als van erve, hostat, huijse etc. tot Groet Lith, belendingen: Willem Henricxss van Kauwen; Goert Geritss; den maesdick; Baetgen Gijben ende Art Jan Aebenss. Ende nae doot van Hillicken voers aentoefangen van Geritden ende Arien hoeren kinderen voers. Akte doorgehaald.

7 Voer scepen Peter Janss ende Willem Henricxs ende Lamert Huijgen. Adriaen Bernt Mathijssenss priester heft hem gesubmitteert ende ondergegeven ende weerdich gemackt des weerlicken rechts dat nae te volgen ende tonderhalden in allen punten gelick ende als een weerlick man dat sculdich is toe onderhauwen in diesen saeken hier nae bescreeven, dat is toe weten dat her Adriaen heft overgegeven Bernden sijnen vader ende sijnre moeder om haer toe gebruijken toe besitten to maegen maenen hoffen ende boeren hoerre beijder leeven lanck enen mergen op die weester bemden toe Lith, belendingen: Jan Wijnsens erfgenamen; Jan Struijven erfgenamen; Jans hove; den breeden wech; noch enen … mergen lants indie neerste hoven ---- toebehoerende den altaer van Sinte Catherinen altaer tot Groot Lith in soe varre h. Adriaen meester ende rectoer blijven sal des altairs voers; noch eenen camp lants in Kessel ter plaetse geheiten dat stro.. broeck toebehoerende den altairen vanden heelich g. cruijs tot Oss; noch 2½ malder roggen geldende Heilken Jan Gijlenss dochter siaers den altair voirs sijn off haer kijnder; mede heft geloeft h. Adriaen voers sijnen vader Bernden ende sijnre moder Elizabeth dit overgeeven maeken ende in hoerre beijder hant setten den dach hoer beijder leeven lanck van deesen guderen ende jaerrenten vanden 2½ malder rogge voers wael vast ende stedich sal helden. ERONDER: Soo heeft geloeft Bernt Mathijss ende Lisken Berts huijsvrouwe h. Ariaen hoeren soen ter occassie van diesen toe helpen nae aller hoerre besten ende na alle horre machten mit gelt goet raet ende daet so sij dat het allerbeeste moegen doen als van deesen last ende commer ende gedijnghe her Adriaen heft hangende onbeslicht inden geestelicken recht inden hove van Brabant tegen meester Rener Borman pastoir tot Lith met meer adversanten aengaende der giften ende collacie van sinte Catherinen altairn tot Groet Lith.

8 Voer scepen Willem Henricx, Jan Art Zelenss. Peter Janss van Heeze heeft alzulke 2 pont siaers als hem Gossen Jan Jacopss affgenomen heft hem ende sijn nae erfgenamen ende Gossen Janss op hem ende op allen sijn goet genomen ende geloeft heft, toe betaelen siaers aen Hugo Gisbertss ofte aen sijnen erffgenamen, dat Peter Janss ende sijn nae erffgenamen daer nu off nummermeer scade noch commer bij vercrigen en sullen; dien heft Peter Janss voers opgedragen Gossen Jans van Heeze sijnen broder.