Archieven

137 Voer scepen Bernt Diercx ende Willem Henrickss. Peter Jan Henrickss ende Peter Bockenss hebben gemaect een over commijnge tusschen hoere beijder huijsse te weten dat die wollige met den dijck bij persoens wiel die sal blijven staen intgescheit tussen hoer beijen ende soe voert aen vanden voerste willigen soe rij recht doer over den dijck met eender lijnden tot der auut maese toe ende daer steet een willgh die sal Peter Jan Hanricxss behauuen ende cnoten tot sijnen schonsten.

138 Voer scepen Willem Henrickss ende Peter Lambertss. Dierck Lambertss ende Peter Joesten man Beijlij sijnder huijsvraue, verkopen eendrechtelicken Peter Reijnder Deliss 3½ hont lants in Lith ter plaetsse genaempt Aelberts viel, belendingen: Mercelis Aertss; Hanrick Celen erfgenamen met meer anderen; den breden wech; den ham dick; noch 4½ hont lants in Lith in Jans Hoeff, belendingen: Hanrick van Reecks erfgenamen; Mercelis Aertss; de voerste Jans hoof; den thienwech. ERONDER: Peter Reijnder Deliss belooft dat hij desen dick verwaren sal binnen Lith ende Lithoeijen die Dierck Lambertss ende Peter Joesten man Beijlij sijnder huijsvraue aengedeelt ende aengecomen mach van alle die erven ende goet hoer aenverstorven endee gedeelt is van Ghijb Martens off Luijt sijn huijsvraue selliger, dat sij daer schaij ofte commer bij hebben en sulen. ERONDER: Peter Reijnderss belooft te betalen 14 dagen voer vrauen lichmis dach 25 gulden Dierck Lamberts ende Peter Joesten sijn suager ende die ander rest voert van vrauen lichmis dach over een jaer daernaest volligende. Testes scepen Peter Lamberts ende Willem Merceliss.

139 Voer scepen Willem Henrickss ende Jan Aertss. Peter Dierck Colvenss belooft Peter Reijnder Deliss enen gulden jaerlix pachs alle jaer te betalen op Sinte Martens dach van ende wt een huijs ende hostadt lants in Lith, belendingen: Imbert Janss; Baet achtergelaten wedue van Ghisbert Geritss; de strate; erve toebehoerende Sinte Claes altaer inde kercke van Lith.