Archieven

17 Voer scepen Berndt Diercx ende Jan Aertss. Lambert Huijgen belooft te betalen Gijsbert Huijgenss enen jaerlixse pacht van 3 gulden siaers op Sinte Catherinen dach, van ende wt eenen vert in Lith gemeijndelijken geheijten den Ruijvert ofte so hij genaempt mach wesen, belendingen: Jan Hanricxz; de groote Maessen; de maij dijck. Af te leggen metten dorden pacht. ERONDER: Des soe heeft Gijsbert Huijgenss weder gegeit becant ende overgegeven dat Lambert Huijgenss dese 3 gulden siaers afleggen moet metten dorden pacht opten dach voers met 50 gulden ende metten after stede pacht daer bij.

18 Voer scepen Peter Janss ende Willem Henrickss. Henrick Henrickss belooft Arien Meelkens [er stond: Peterken Arien Meelkens huijsvrouw] enen jaerlixse pacht van 2 karolus gulden siaers op Sinte Pauels dach, van ende wt een hostadt landts in Lith, belendingen: Seel Wielms; Wolter Peterss; de strate; der ermen hooff. Af te leggen metten dorden pacht. ERONDER: Ariaen Meelkens heeft overgegeven dat Hanrick Hanrickss dese voers 2 gulden siaers mitten dorden pacht mach lossen met 30 gulden mette afterstede pacht.

19 Voer scepen Bernt Diercx ende Wille Merceliss. Crijstijna aftergelaeten wedue van Hanrick Roeverss met Ghijb Peter Wielmss verhuren Jan Diercxs een huijs ende hofstadt landts als Gijb Martens die toe besitten plach, welck huijs ende hostadt gelegen is in Lith, belendingen: Goessen Janss; Peter Diercxss; die gemeijn straten; Jan sal verwaren alle den dijck die toe Gijb Martens huijs ende hoostadt toe behoert binnen Lith geleegen sijnde ende voert repereren ende maken huijs van hoeren stooff maer Jan sal den tijmmeren luijden ofte deckers de cost geven ende die dach hueren cortten Jannen ende des sal die huer aff ende aen gaen toe maij naestcomende ende des sal Jan den hooff aenverden tot half vasten ende weder afscheiden opten selver tijt maer die huer van den huijs sal staen tot maij als voer is, ende daer sal Jan den affval voer hebben; item des sal Janne Crijstijna ofte Gijb Peter Vielmss jaerlix betalen voer den huijs ende hoofstadt 6 karolus gulden ende 10 stuijvers. Ende des sal Crijstijna met Ghijb Peterss eens corten 10 stuijvers als vanden dick toe te maekn.

20 Voer scepen Berndt Diercxs ende Willem Henrickss. Everit Geritss belooft Goessen Peterss enen karolus gulden jaerlix pachs op onser liever wraue lichmis dach, van ende wt een half huijs ende hoofstadt in Lith, belendingen: Goessen Willem Bockenss; der kerck hooff van Lith; den dijck; die gemeijnt. ERONDER: Goessen heeft overgegeven dat Everit Geritss des voers gulden siaers altijt lossen ende quijten mach opten dach voers met 15 gulden ende metten volle afterstede pacht daer bij.