Archieven

5 Voer scepen Peter Janss ende Jan Aert Zelenss. Reijnder Artss belooft te betalen Art van Zambeck Janss enen kijsers karolus gulden siaers op sinte Martens dach, van ende wt een hostat landts aen die lege afterstraet, belendingen: Jan Aertss; Jan Ukenss; de strate; dorpsgraft. ERONDER: den 22te dach september is de los g. van Willem Hanrickss.

6 Voer scepen Peter Janss ende Willem Hanrickss. Willem Jan Wielmss belooft te betalen heer Mathijs Goertss 9 carolus gulden voer 2 jaer lanck durrende na den anderen voer 3 schaer weijen inde Lithse hoeven gelegen ende alle jaer eens toe betalen op dat hoechtit van korsmis.

7 Voer scepen Bernt Diercss ende Jan Aert Zelenss. Eerken vedue van Claes Reijnderss heft gemackt 7 stuvers siaers voer hoer ende hoers mans Claes Reijnderss voers ende dat toe deijlen der kercken half ende priester ende coster half ende den coster dat dordendeel van dier helft ende die kerck opten dach alst hoer beijder jaergetit is licht dan toe doen ende priester ende coster dan vegelij te doen ende misse te singne opten dach alst hoer jaergetijt is. Ende voert soe mackt sij 3 stuijvers tsiaers om te doen den dienst goets te weten singende misse van Sint Agnietten dach daer heer Goert Matijss nu capellaen inder tit ende nae hem een ander capellaen inder tit nae hem begeren sal; item desen pacht van 7 st ende 3 st die salmen bevijnden toe gelden aen Peter Wielm Bockens na wt visende hoerren brieven daer af sijnde ende of desen pacht afgelost vorden, so salmen die selfste penningen beleggen bij raet der scepen van Lith tot behoef al sulcx dienst te doen als boven voers is.

8 Voer scepen Bernt Diercx ende Willem Merceliss. Rengen Rijckenss verkoopt Jan Janss die helft van enen halven mergen landts in Lith op die langweijen, belendingen: Rengen Rijckenss; die cappellaenscap van Lith; de gemeijnre stege; Merij Goert de Brauers dochter. Hieruit te onderhouden die helft van een roeij dicks gelegen bij den Kesselse graf aen. [vervolgakte op folio 33]