7323.35 Index schepenprotocol Lith (7323.35)
3 Voer scepen Peter Janss ende Lambert Huijgens. Tuijgen dat voer ons gecomen sijn de kijnderen van Otto Diercx van Bijlant die hij bij Elijzabeth sijnder huijsvraue verweckt, sijnde Aelken, Agnees, Dierck ende Heilken, met hoerne gecoren momber ende hebben daer eendrechtliken over gegeven dat Otto desen pacht van 8 gulden ende 10 stuvers jaers dwelck Jan van Sambeke den kijnderen geldenden is siaers dat Ot die gebruijcken manen ende boeren sal alsoe lange als hij in den leven is; item oft sake waer dat Jan van Sambeke dese voers pacht affleden ende quijten dat als dan Ot die penningen schuldich is weder toe beleggen tot reent ofte toe pacht tot den voers kijnderen behoef Alken, Agnees, Dierck ende Heilken ende Otto te gebruijcken sijn leven lanck ende na doot van Otto dan te succederen ende comen opten kijnderen voers, mede soe geloveden dese voers kijnderen metten mombers dit overgeven vael vast ende stedich hauuen sullen op hoer ende alle hoer goet hebbende ende vercrigende.
Datering:
4-3-1547 (anno 46 den vierden dach merts)
Pagina:
2-2
Plaats:
Lith
Toegangsnummer:
7323
Inventarisnummer:
Bron:
Schepenbanken
Geografische namen:
1 gedigitaliseerd