Archieven

17 Looij die Cock die heeft gericht aen Everit Gerit Everitss nae inhaut sijnre brieven aen sijn onderpant te weten enen halven mergen op die ackeren ende enen mergen lans op die westerbeemden voer 2 pachten elcken pacht 3 malder terwen ende die banck doen spanne buten gherechtdach.

18 Willem Jansoen van Lent belooft te betalen Hanrick Tomas 2 dochteren bij Caterijn sijn huijsvrou verweckt sijnde die summe van 16 gulden ende een malder roggen van nu Suncte Marten over een jaer. Testes Peter Lambertsoen ende Jan Lamberts. Akte doorgehaald.

19 Item Reijnder Vuenss [verderop: Wuenss] heeft ghevest ende opgedragen Jan Vuvenss sijn broeder enen hof lans in Lith ter plaetsen gheheijten die grote Afterstraet, belendingen Jan van Oert; Willem Janss van Lent; die grote Afterstraet; des dorps graft. Belast met 7 stuijvers jaerlix pachts te ghelden aen Jan Reijnderss ofte die erfghenamen; drie voet maesdijcks gheleegen inden nieuwen dijck den dijck voers der maten enen halven voet ombegrepen; ende noch moet Jan Wuenss voers afleggen anderhalven gulden jaerlix aen Jan Aert Scheelen. Peter Lambertss ende Jan Lamberts.

20 Ghosen Janss van Heeze huurt van Jan Wuenss van Littoijen enen hof leggende in die heerlickheit van Lith ter plaetsen aen die grote After strate ende nu te corsmisse aen te vangen nae datum boven ghescreven ende dat sal dueren van nu meij dach toecomende over drie jaren naest eenvolgende voer die summe van 3 carolus gulden alle jaer te betalen altijt op meij dach. Ende meede zoe ist voerwaert dat Ghosen voers sal maken ende bewaren 3 voeten maesdijckx in den niewen dijck ende alnoch te betalen aen Jan Aert Schelenss anderhalven gulden voer halfvasten ende dan soe voert tot die drie jaren voers ende alnoch 7 stuijver jaerlix aen Jan Reijnderss oeck die drie jaren voers elke jaer eens te betalen ende des doorps brantscat ende des van alles sal Jan Wuens Gosen voers corten wtghenomen die drie voeten dijcks ende scommer binnen lans. Testes Peter Lamberts ende Jan Lamberts.