Archieven

93 Dit is die weeij die wij Lambert Ghijben ende Jan Lamberts verhuert hebben in dat jaer lxii. Inden iersten Lambert Ghijb Huijgen in die lege weij drie calver scaren voer – 3 gulden. Hanrick Ghijb Huijgen 2 scaren in die leech weij voer – 8 gulden. Item Peter die Loijer een scaer op die hochbergen voer 4 gulden. Heijl Aert die Smits een half scaer op die hogebergen voer 2 gulden. Jan die Waghemeker een half scaer op die leghe bergen voer 32½ st. Lambert Eghens drie calver scaren op die lege bergen voer 2 gulden ende 8 st ende 3 oert st. Vrederick vanden Ghoer een scaer inden Ham voer 3 gulden. Jan Steinss een half scaer op die leghe bergen voer 32½ st. Jan Diercks een calver scaer voer 16 st 1 oert. Hanrick Wouters een scaer in die lege weij – 4 gulden. Aert Janss een calver scaer in den Ham voer 15 st. Willem meester Dirckss heeft ghehuert een half calverscaer op die lege bergen voer 8 st ende een neghenmenneken. Willem Aert Janss heeft een half scaer weijen op die hoge bergen voer 1½ gulden ende dies sal ick hem een vaen biers corten – 1 st 1½ ort.

94 Dit sijn die scaep die ick Lambert Gijben vercoft hebbe anno lxij in die maent november ende heb die selve dach gegeven ten corsdach toecomende. Inden iersten h. Reijnder ende Dierck Matijss vorster 4 scaep voer 4 gulden ende 10 st; noch Dierck voers 2 scaep voer 38 st; noch Jan Dierck Maess 2 scaep voer 17 st; noch Jan Peter Reijnders 2 scaep voer enen gulden; noch Gheris Pfolpen een scaep voer 15 st; noch Willem Gosen Willems 2 scaep voer 2 gulden; noch Reijnder Gosen Bogers een scaep voer die summe van 16½ st; noch Peer Aertss een scaep voer 5 hont te meijen in den ouxt.

95 Item Goert Jacobs onsen knecht hebben wij ghegeven inden iersten 3 stuver noch hem ten Bossche ghecoft swart laken ende graeu laken voer 2½ gulden ofte daer omtrent noch hem ghegeven 2 realen tsamen 7 st noch hem ghegeven 10 st min een negenmenneken; noch hem ghedaen 3½ vierdel sacklakens voer 2½ st, noch hem ghegeven 13 stuiver ende een moerken, hier tegen hebben wij gehadt 27½ st die Goert vanden hadde noch hem gegheven tot sceel Hanrick Tomas enen gulden noch Bieken Hanrick Ghijben ghegeven van sijn scoen te lappen 3 st. Noch Goerden ghegeven 35 st. Noch Goerden ghegeven enen daelder doende 30 st. Noch hem gedaen een half el wit laken voer 6½ st.

96 Jan Aertss heeft ghegeven Jacob Rutten dochter enen daelder ende enen penninck van 14 stuvers. Jan Lamberts.