Archieven

17 Willem Gijsbert Keriss ende Lambert Mathijss die hebben geerfft manggelt in dese nae benoemden erff gueden. Inden iersten soe sal Lambert Tijss besitten ende erffelijcken vanden voerg. Willem Gijsberss gebruijcken 4 hont lands ofte daer ontrent begrijpende gelegen opten hoevel, belendingen: Jan Pijnappel van den Bossche; Aelbert Gijsbertss; die gemeijn stege. Item hier tegen soe sal Willem Gijsbertss voers vanden voerg. Lambert Tijssen besitten ende erffelijcken gebruijcken enen mergen lands gelegen inder herlicheijt van Kessel in Huberts hoeve, belendingen: het smael hoeffken; die erfgenamen van Goert Hanrickss met mer anderen; der gemeijnder stege; die affterste Huijberts hoeve. Mits conditien toe gedaen dat die voerg. Willem Gijsbertss totten voerg. mergen lands sal hauden ende erffelijcken bewaeren ses vaedem dijckx gelegen onder Maeren inden Vloeijen acker ende Lambert Tijss die sal met die 4 hont hauden ende erffelijcken bewaeren sijn aenpaert van 2 voeten dijckx inden nijden dijck in Keris Gijben lot ofte alsoe voele min ofte mere als nae met recht bevonden mach worden. Testes Peter Lamberts ende Hanrick Reijnderss.

18 Lambert Mathijs verkoopt Jan Lambertss onsen mede schepen enen halven mergen lands opten Hoevel, belendingen: Jan Pijnappels vanden Bossche; Lambert Tijss voers met meer anderen; die gemeijn steege. Hieruit te onderhouden 2 voet dijckx inden nijden dijck. Jan Lambertss onsen mede schepen bekent dat Lambert Mathijss ofte sijnen erfgenamen altijt nae drie jaeren sal moegen lossen enen halven mergen lands opten Hoevel, belendingen: Jan Pijnappels vanden Bossche; Lambert Tijss voers met meer anderen; die gemeijn steege, metter somme van 38 brabantse gulden. Met alsulcken conditien ende vorwaerden toegedaen ofte Jan Lamberts voers het voerg landt nae den tijt van drie jaeren verbeterden het sij met messen ofte soemer vegen dat geloeft Lambert Mathijss den voerg Jan Lamberts bij goeder mannen seggen weder goet te doen ende oft alsoe geviel dat Lambert Tijssen voers ofte sijnen erfgenamen het voerg landt weder lossen wouden ende den selven Jan Lambertss het voers lant beseijt hadde soe sal Jan Lamberts voers die schaere daer op geseijt sijnde vrije ende los daer aff haelen. Testes Peter Lamberts ende Hanrick Reijnderss.

19 Reijnder Jan Loijen heeft gevest Willem Gheritss een huijs ende hof liggende aen die groot Afterstraet, belendingen: den voirs Rijnder; Goert Gerits van Kessel, den groot afterstraet; dorpsgraft; vrij te weren sonder wtgenomen dat Willem voers daer jaerlix wt gelden ende betalen aen Gert van Hees 1½ gulden jaerlix ende een malder roggen aen Loij die smit tot Kessel erfpachs ende noch hier toe hauden ende vervaaren die helft van 8 voeten maesdijcks inden nijen dijck met Hanrick Hanrickss te deijlen ende Reinder ende Wijllem voers sullen hoer huef even breet maken ende altijt hawuen. Testes Peter Lamberts ende Jan Lamberts. ERONDER: Wijllem Gherits belooft te betalen Reijnder Jan Loijen die summe van 50 gulden die een helft nu terstont ghereet die ander helft tot corsmisse naestcomende.

20 Item dit is Jan Lamberts ontfanck dat hi ontfangen heeft vander ermer weegen vanden jare 68 verschenen. Item inden iersten ontfangen van Willem Goessens – 3 gulden; noch ontfangen van Willem voers 3½ gulden ende 1 stuver; noch ontfangen van Willem voers 1 gulden ende 2 stuver 3 oert stuver. Noch ontfangen van Jan Tonis van lanthuer – 35 stuver. Noch ontfangen van Jan Tonis 35 stuver. Noch ontfangen van Jan Aert Tijss – 30 stuver. Noch ontfangen van Jan Aert Matijss voers – 20 stuver. Noch ontfangen van Jan Aerts 3 gulden 1 stuver. Ontfangen van den selven – 8½ gulden ende 3 stuver. Noch ontfangen van Crijn Rutten – 2 gulden ende 15 stuver. Item noch ontfangen van Henneken Hanrick Ghijben – 3½ gulden. Noch ontfangen van Aert Schelen – 3 gulden ende 4 stuver; Noch van Aert 2 stuver; Noch van Aert Schelen 3 gulden. Noch ontfangen van Willem van Oijen 2 gulden van pacht. Noch van Wijlem voers 2 gulden. Noch ontfangen van Oijen – 20 stuver op..misse. Noch van Willem Bernts 20 stuver. Noch ontfangen van Jan Ghijben Scnider 2 gulden. Noch ontfangen van Jan Ghijben dat hij mij afgherekent heeft – 2½ gulden 6 stuver. Noch ontfangen van Hanrick [Smij ?] tot Littoijen – 2 gulden ende 12½ stuver. Noch ontfangen van Hanrick Clingh 3 gulden. Noch ontfangen van Herman Clinggen van een scaer weijen inden ham 30 stuver; Noch van Herman voirscreven 1 gulden ende dit altesaemn heeft meester Jan ontfangen den surgijn. Noch ontfangen van Hermen voers 4 gulden ende 7½ stuver van 2 scaren weijen in den Ham. Noch ontfangen van Goessen Aertss 1½ gulden. Noch ontfangen van Goessen Aertss 25 stuver. [doorgehaald: blijft noch 5 stuver sculdich]. Noch ontfangen van Goessen Aerts 25 stuver ende een oert. Noch ontfangen van Peter Hanrick Lambers 2 gulden ende 17 stuver. Noch ontfangen van Lambert Ghijben 32 st. Noch ontfangen van Lambert Ghijben 32 stuver. [doorgehaald: Noch van Gherit Struijff 8 gulden ende 7 stuver]. Noch ontfangen van Gherit Struijf 7 stuver.