Archieven

3 Voor Jan Lamberts, Cornelis Dierixs, Herman Henrixs Clingh en Peter Henrixs, schepenen in Lith, is verschenen Willem Otten met zijn dochter Angenasa verweckt bij Cristina dochter Jan Steijns. Dezen geven met alder oitmoet bij supplicatie te kennen hoe dat de goederen des voers Willem Otten tot sijnder tochten ende dese voers sijne dochter de erfelijckheijt seer suaerlijcken sijn belast met veele diversse schulden, ende afterstellege pachten, dat haer onmogelijck is de selve goederen te regeeren, sonder dese nabescreeven goederen te vercoopen, eenen mergen lants onder Lith inde hooch hoeven, noch anderhalff hont opte dweerchgeijrden; after de hoeff noch aldaer twee hont; noch aldaer de helft van anderhalff hont; noch 5 hont inde vuijtslagen in Deentkens hoeve; noch in Boxs kamp 4½ hont; noch 5 kalver scharen inden Litssen Ham; noch 4½ hont onder Lithoeijen inde langhe beemden; ende want alsuulken veroop nijet en mach geschieden sonder onsen consent ende ijerst versien te sijn van mombaeren, so eest dat wij schepenen voers in siende de groote schulden ende tachterheijt ende de certificatie daer op gemaeckt sijnde, hebben wij vuijt sonderlingen gratie van prevelegie ons ende allen schepenen verleent vande hoghe hant als overmombaeren ende ten beede ende begeijrte vande voors Angenasa onbeiaerde dochter Willems voors der selve onbeiaerde tot mombaeren gecooren ende gerichtelijck versocht Dierick Otten ende Jan Jans van Lenth, dat de voers mombaeren de voers goederen sullen mogen vercopen daer aff doende rechtveijrdige veste transpoert vertijdenisse ende warantschappe, so dat behooren ende haer oick goetduncken ende gelileven zal tot meesten oirbaer vande voers onbeiaerde ende voerts te regeeren als vroeme ende getrouwe mombaers behooren ende schuldich sijn te doen om die voers schulden ende afterstedige pachten te betalen,