Archieven

251 Wij Gerit Jan Roeloffsz ende Herman Botterman Janss, Scepenen, tugen dat voir ons comen is DIRICK PEEL, heeft gelooft op hem ende op alle sijn goit, hebbende ende vercrijgende, dat JASPER VAN GENDT, off sijn erven, nu noch tot geene daigen ARIAEN GOIRTSS VAN ENGELEN, Steenbecker, vande helfft van het erve dat Dirick Peel gecoft heeft van Jasper van Gendt, soe hij sede, gelegen inde Heerlicheijt van APELTEREN opt BLOCKHUIJS tegen tVen van Megen over, ende Ariaen weer vanden voirs. Dirick Peel gecoft heeft, moeijelick, hijnderlick recht weesen en sal, off op Ariaenen voirs. des erffs halven nijet eijsschende off versueckende int groot ofte cleijn, dan hem de voirs. helft des voirs. erve rustelick ende vredelick van wegen Jasper ende sijnen erven te laeten gebruijcken, allet sonder argelist.