Archieven

1 Prothocol van 1603 tot 1604.
Arnouth van Vladeracken schouteth van Maeslant de schepenen vernijeuwt bavonis 1603:
Claes Michiels
jo. Cornelis van Os
Jan Peeter Smits
Aert Peeter Thonis
Dierck Henrick Sijmons
Peeter Janss Schoenmakers
Jan Reijnders

2 Peeter Thijss belooft Thonis Welten woonende in Maeswael de somme van 25 gulden op bamisdach toecoemende te betaelen, procedeerende de voors 25 gulden vande coop van eender koije bijden voors geloovere vande voors Thoniss gecoft ende te danck gelevert.
Actum den 18-10-1603, testes Cornelis van Oss ende Aert Peeter Thonis.
[akte doorgehaald, in marge:] deletum de consensu partium.

3 Lambert soone wijlen Joost Aerts op Hoevelen heeft een camp heijlant groot omtrent 6 vaetsaet geleghen in Heesch aende Osser heij, belendingen: Wouter Wellens scheijtende daer teijnden op; Welt Rovers kijnder tot Nijstelroij; Jan Meeus; Jan Bartolomeeus als man van Anna dochter Henrick Loijen; noch een heijcampen teghen de voors erffenisse over gelegen, belendingen: Wouter Wellens; Ghijsbert Bogaerts; opgedragen aan Gerit soone wijlen Lambert Willemss.
Actum den 20-11-1603, testes Aert Peeters ende Claes Michiels, scabini in Os.

4 Alzoe Reijnder Ghijsbertss van Huemen teghen de erfgenamen van Michiel Vreijnssen bij coope vercreghen hadde eenen hoff lants geleghen inde coorenstraet inne de vrijheijt van Oss onder den last van dair jaerlijcx 6 vaeten roggen aende heijligeest van Oss te vergeldende, anders loss ende vrij, naevolgende der opdrachte dair van sijnde voir schepenen van Oss gepasseert in date [niet ingevuld]; vuijt welcken voirs hoff noch meer dairnae bevonden is den h. geest van Oss jaerlijcx te heffene een jaerlijxe renthe van 8 ponden paijments teghen welcken voirs chijns van 8 ponden paijments die voirs Reijnder oft sijne weduwe vande cooppenningen des voors hoffs, teghen inne heeft gehouden de somme van 50 gulden eens. Soe heeft die voirs Lijntgen weduwe Reijnder Ghijsbertss geassisteert met Gerit Marcelis, Adriaen Marcelis, Anthonis Huijberts ende Peeter Janss als momboiren over de onmundighen kijnderen van wijlen Reijnder Ghijsbertss een erfrente van 8 ponden paijments alle jaer te betaelen op onser liever vrouwen lichmis dach uit den voirs hoff gelegen inde coorenstraet aan jonker Dierck van Os als heijligeestmeester der vrijheijt van Oss opgedragen. De erfgenamen van Michiel Vreijnss worden hiervan gevrijwaard.
Actum 11-12-1603, testes Cornelis van Os ende Peeter Janss mede over hem selven tuijghende.
Die voirs Lijntgen weduwe Reijnder Ghijsbertss met haere momboiren, haere oiren, erven ende naecoemelinghen sullen den voirs chijns van 8 ponden peijments altijt moeghen lossen metter somme van 50 gulden eens, opzegtermijn van een half jaar.
Actum 11-12-1603, testes Cornelis van Oss ende Peeter Janss.