Archieven

19 Anna naergelaeten weduwe wijlen Peter Lenarts van Ham. Jan Niclaes Mercx ende Jan Lenarts van Ham als momboren ende curateuren der onmundige kijnderen wijlen Peeter voirschreven verweckt bij Anneken dochter Luijcas de Pulser. Hebben wettelijck ende alsoo vercocht aen Catalijn Janssen de Gruijter leste achtergelaten weduwe wijlen Meester Jan Vrancken een jaerlijcken ende erffelijcken lossrenthe. Van ende uijt huijs, hoff metten apendentie daer aen gelegen ende toe behoorende, gelegen binne der parochie van Sint Oedenrode ter plaetse genoempt aende oude vrijheijt, tusschen erffenisse deen sijde Jan de Gruijter cum sius, dander sijde beneffens erffenisse heer Dielis van Lieshout, deen sijde aende Dommel, streckende metten anderen eijnde aende gemeijn straet aldaer. Gelijck ende inder vuegen die voirschreven vercoopers met haren overleden man voirschreven den gront van dien vercregen hebben bij coope ende opdrachte tegens Jan Vrancken, de voirschreven huijsingen bijden selve vercoopers ende haeren man voirschreven.