Archieven

1 Willem Delis Willems heeft erffelick vercoft en opgedragen Daniel Peter Goessens huijs, hoff en lant daer aen, gelegen in der prochie van Erp, in den Hoeck, beneven der gemeijnten metter eender sijde en eenen eijnde, dander sijde Thonis van Dommelen, dander eijnt Jenneke, dochter Gerit Jan Joerdens en heeft daer helmelinge op vertegen tot behoef Daniels voers. Gelovende voerts op sijnen persoen en allen sijnen gueden hebbende en vercrigende dat vercoopen, opdragen en vertijen altijt vast en stedich te houden en geloeft werscap op hen en op allen sijnen gueden hebbende en vercrigende, met voerwaerden dat hij daer jaerlix vuijt sal gelden eenen halven ouden groten chijns int boeck van Helmont. Actum anno xv lxix den xiiii-den april nae Paessen. Testes Joerden Jans, Sander Henrixs.
Daniel Peter Goessens heeft erffelick vercoft en opgedragen Willemen Delis Willems eenen erff chijns van xi gulden van xx stuivers tstuck alle jaer erffelick te vergelden int hoechtijt van Lichtmijs van en vuijt huijs, hoff en lant ut supra. Voerts vuijt allen sijne gueden hebbende en vercrigende en den chijns in de onderpanden te weeren en voerder jaerlixe betalinge altijt goet en weldogende te maken met voerwaerden dat Daniel den voers. chijns altijt sall moegen lossen en quiten op Lichtmijs met anderhalff hondert en xxv gulden coninx gelt, den gulden tot xx stuivers gerekent met allen afterstellen des pachts voers. een half jaer te voeren op te seggen. Actum et testes ut supra.

2 Alsoe die kijnderen Mathijs Jan Umans (of Vermans?) hadde vercoft en opgedragen Henrick Jans van Dommelen een stuck bempts gelegen in de prochie van Erp, in de Hoeck, deen sij Arien Claes Wouters met meer anderen, dander sij Wouter Aerts met meer anderen, streckende van erffenijs [...] Hoerkens totter gemeijnden Aa waer inne die mundige hadde gekent en hen sterck gemaeckt voer Metken en Joseph nu mundich sijnde met haren mombaeren hen daer toe vercoren [...] gewoenten daer aff gegeven en hebben opte te sesste gedeelt helmelinge vertegen tot behoeff Henrix voers. gelovende voerts op hennen [...] en allen hennen gueden hebbende en vercrigende dat vertijen en overdragen altijt vast en stedich te houden en die twee sesste gedeelten den voers. Henrick te weren en Metken en Joseph hebben ontfangen xii gulden met [...] mede erfgenamen hebben gehadt. Actum anno xv lxix den xx-ten meij. Testes [...] Jacops en Sander Henrixs.
Die selven Metken en Joseph hebben oeck vertegen werscap op [...] gelegen in de Commer straet, deen sij en deen eijnt [...] tot behoeff Jan Weltken [...] betalen alle pachten en tchijnsen daer vuijt [...]

3 […] heeft erffelick vercoft en opgedragen Egberden […] Vos eenen erff chijns van xx stuivers alle jaer te betalen op Lichtmijs, scat en beij vrij. X-den en xx-ten […] commer vrij, van en vuijt huijs, hoff en lant daer aen, gelegen in der prochie van Erp, aent Hagelcruijs, deen sij de erfgenamen Aert Hoerken, dander sij Aert Willems, deen eijnt de erfgenamen Aerts voers. dander eijnt den gemeijnen wech en heeft daer helmelinge op vertegen tot behoeff Egberts voers. geloevende voerts op sijnen persoen en op allen sijnen gueden hebbende en vercrigende dat vercoopen, opdragen en vertijen altijt vast en stedich te houden en den chijns in de onderpanden erffelick te vrijen en te weren, met voerwaerden dat Bijts den vs. chijns altijt sall moegen lossen ende quiten op Lichtmijs aen Andries en Brigitten soe lange sij leven en nae hender beijder doot aen Egberden met xv gulden xx stuivers tstuck gancbaer gelt. Actum et testes ut in alio latere.

4 Aert Henrixs van Zoemeren en Henrick Geerlick Heijmans als mombaren van Peterken dochter wijlen Peter Coppens en Hillegont sijnder huijsvrouwe, dochter Heijman Tijmmermans van haer daer toe vercooren en van den richter midts vonnisse der scepenen gerichtelick gegeven, hebben erffelick vercoft en opgedragen Geriden Peter Coppens het vijffte gedeelt in huijs, hoff en lant daer aen, gelegen in der prochie van Erp, aent Daude Velt, beijde die sijden die gemeijn straten, deen eijnt de erfgenamen Gerit Peters, dander eijnt die gemeijnt van Erp en hebben daer soe voerts helmelinge op vertegen tot behoeff Gerits voers. Gelovende voerts op hen en op allen hennen gueden hebbende en vercrigende dat vercoopen, opdragen en vertijen altijt vast en stedich te houden en allen commer van huerder wegen aff te doen, met voerwaerden dat Gerit sall alle jaer betalen opte gerechte scoudagen alle die chijns en pachten vuijter erven competerende, dat Peterke en huere gueden daer ongelast aff bliven. Actum anno xv lxix den xiii junij. Testes Arien Claessen en Sander Henrixs.
Peterken metten mombaeren ut supra heeft gelaudert, geapprobiert ende geratificeert alle alsulcken accoorde als Thonis Joerdens met sijn kijnder tegen Geriden en Peterken kijnderen Peter Coppens eertijts gemaeck en geordonneert, hebben nu ofte tot eegenen dagen met enigen rechte ofte andersijns daer tegen te willen doen ofte [d...] doen, geloeft den mombaren scadeloes te houden van dese geloefte. Actum et testes ut supra.