Archieven

1 Leriken Ghijb Aertss dochter heeft geloift Henrick Cling 10 rijnsgulden van corsmis over een jair te betaelen.

2 Wken Jan Ukenss belooft her Goirden van Vechel capellaen ende bediender de kercke van Maeren 3 rijnsgulden, te betalen binnen de spacie van eenre maent ende ende dat op enen peen ende broeck van 3 rijnsgulden dair toe te broicken ende te verboeren bij alzoe dat hij des als binnen een maent tijs als voors en betaelden te weten den enen gulden vande peen voors te comen ende ter taeffele des lants hem te vereijssen ende te moigen manen de andere gulden te bestellen ende appliceren ten oirbair profijt der fabrijcke ende kercke van Lit den derde gulden vanden broeck voors sall heer Goirt voors moegen bestellen laeten ende appliceren wair hem dat believen sall.

3 Bernt Thijss ons scouth belooft dat hij Reintgen Dirck Joesten sal laeten in sijn huir van enen camp lants toebehoerende den heren van S Lambert te Ludick ende geheiten den geer, welcke camp Reintgen voors gehuirt had vanden scouth voir 16 karolus gulden ende voirt den selven camp sal hij hem noch laeten 3 iair lanck inde selfst huer te weten voir 16 gulden des iairs daer voir te betalen. Ende want Reintgen voirs den scouth noch 16 gulden te weten enen pacht vanden camp voirs sculdich bleven is soe eest voirwairt dat die selve 16 gulden altijt geloiffde gelt inder zoenen corten ende affslach doen sullen. Henric Cling, Dir Berntss.

4 Rutger Janss heeft affgeleit 3 sester rogge welck hij den armen van Lit pleech te gelden. Jan Aertss, Rut Dircss.