Archieven

1 Opten sesten dach inden meij anno 52 so heefft Jan Janss van Lent ingeset van Otto van Bijlant Dircxz 2½ hont lants in Lith affter in Jans hoeff after gelijck Otto voers dat gecofft had van Goessen Smits erfgenamen ende aen te verden Sint Mertens dach toecomende, dit voers goet heeft Jan voers ingeset voer 24 gulden ende daer Jan voers opgeslagen 2 slaech den slach enen gulden halff voer den copere ende halff voer den vercopere. Item op dit goet te wijncop opten gulden ½ stuiver. Item indien Jan voors dit voers goet dit voers in coop behelt so sal Jan voers de helft vanden summe betalen te bamis toecomende, die ander helfft op bamis daer na toecomende. Dit goet sal wt gaen op dinxdach toecomende ten huijse Otto van Bijlants. Item wijncop slachgelt ende scrijffgelt gereet na wt ganck der kerssen na percken recht, item voerden scrijver 8 stuijvers te betalen buijten des vercopers scaeij, dit geschiet in presentie Frans onse ee. heren bode, Wilm Bo.. de coster ende Peter Colff. ERONDER: dit voers goet heefft Jan Janss van Lent steets coeps van Otto voers voer 25 gulden de helft te betalen te bamis toecomende die ander rest te betalen te corsmis daer naest volgende dit is geschiet in tegenwoordicheijt voer h. Adriaen Frans onser e. heren bode, Ambrosius van Zambeck de voecht, ende Peter Colff den 7te maij anno 1552.

2 Loeij Goessens belooft te betalen Henrick Gerit Reijnderss die summe van 6 gulden binnen 6 weken na datum van desen. Testes Jan Aerntss ende Peter Lambertss.

3 Tonis Meeussenss belooft te betalen Aernt Henricx de Smit die sum van 8 gulden en 10 stuijvers in die wijff merckt toecomende. Testes Peter Janss ende Jan Aerntss.

4 Aernt Henrix heeft gericht aen Tonis Meeus den 18e augustii anno 53 voer scepenen Bernt Dircks, Jan Aernts, Lambert Huijgen, Peter Lambertss, Aernt coert reet goet de weet is gedaen den selven datum.