Archieven

1 Reijnder Rijken belooft te betalen meester Dirck Berntss die summe van 14 gulden op Sint Gielis dach toecomende. Testes Wilm Henricxs ende Jan Aerntss.

2 Jan Geritss Potter ende Baet zijn huijsvrouw beloven te betalen voor bamis dach toecomende die summe van 50 gulden ende een mud weijts Gijsbert Jan Loeijen. Testes Jan Aerntss, Lambert Huijgen, Peter Lambertss.

3 Dirck Welt Claess belooft te betalen de rentmeester alsulke schuldt als hij de rentmeester schuldich is in die paesheijlich daech toecomende ende in dien Dierck Welten voer niet en betaelt als voirs is so mach den rentmeester Dirck Welten goet vercoepen het welck inden kercken van Lith verboeden is gelijck offt sijn vol geboeij gehadt hedde. Testes Bernt Dirckss ende Jan Aertss.

4 Naden mael Dirck welt Claess niet en betaelt en heeft als voirs is so heeft den rentmeester voers een coop dach gestelt opten 7e aprilis voer scepen Bernt Dirckss, Willem Henricxs, Jan Aertss, Lambert Huijgen, Peter Lambertss ende Lambert Huijgen, is den hoochsten inlegger opt voers goet voer 110 gulden ende indien Dirck Welten gilt ennich pacht wten selven goet dat moet hij selver gelden ende het sal wt gaen met brandende kerss op maendach na beloecken paessen anno 53. [onderaan volgende pagina:] Des so begeerden die rentmeester aenden scholtz ende scepenen bij also dat hijt so lange verleengden den coopdach dat daer sijn recht niet mede te niet en weer ende dat het recht vermocht doe seijde hem die scepen dat het recht wel vermocht want die saeck aen hem stont. [onderaan pagina 2:] Noch wt gestelt tot inder pinxt heijlich daech toecoemende.