Archieven

1 Gerit Everits belooft te betalen Jan de Man tot Thiell off sijnen erven die summe van 70 gulden brabants die een helft op corsmisse toecomende, die rest voert op Sint Peters dach ad Cathedra daer naest volgende. Testes Peter Lambertss ende Wouter Peterss. ERONDER: Noch geloeffden Gerit voirs Jannen [akte hier afgebroken]

2 Henrick Lambertss belooft te betalen Aernt Dirckss die summe van 29 gulden 12 stuijvers 2 oert stuijvers op onser liever vrouwen dach purificacionis toecomende int jaer van 58 na tscrijven van Luijdick. Testes Bernt Dircks, Jan Aerntss.

3 Henrick Gijben coster in Lith heeft hem voir scepen in Lith verbonden ende gelaudeert dat alsulcke geloeffte als hij hem selven tot Luijdick voer notarius ende getuijgen verbonden ende overgegeven heefft aen heer Janne Dorss canonick Sint Mertens te Luijck, die selffste geloefft heeft Henrick voers geloefft volstendich te staen ende daer met egeender manieren van recht tegen te doen in dien Henrick voers. heer Jannen voirs niet en betaelt voer corsdach toecomende, die hoot summe ende voert den scaede ende intereste ende penningen van oncosten ofte ongelt dat heer Janne voirs daer om doen moet, die geloeft Henrick voirs alte saemen te betaelen als voirs is op hem ende op alle zijn, ende bij alsoe dat Henrick voirs h. Janne voers niet en betaelt voir corsdach voirs, gelijck als voirs is, so mach heer Jan voirs te Lith comen met twe peerden ende altesaemen op costen van Henricken voirs ende dan met recht vorderinge voert vaeren op Henricke voors so lang dan hij altemael betaelt is die hoot summe met scade ende intereste dair op lopende, ende alte saemen op coste van Henricken voirs so lange als h. Jan met sijn twede ende metten peerden, die costen Henrick voers altemael selffs te betaelen. Testes Bernt Dirckss, Jan Aerntss. ERONDER: Aernt van Zambeck belooft Henrick Gijben coster in Lith vrij costeloes ende scaedeloes te hauwen vander voers. geloefften so veel als hem dair aff compt te geven dien aengaende op rekenschap. Datum insuper et idem scabini.

4 Henrick vanden Hoevel gericht aen Reijngen Rijken voir een halff hoet weijts voir dien vol wit.