Archieven

1 Voor Lambert Gijsbertss, Peter Janss, Dirck Colff Deliss; Ot … Hoemen Aerntss, Goessen Gberts, Jan Deliss, ende Jan Aernts scepenen in Lith is verschenen Loeij Jan Zebenss ende heeft ge.. Henrick Clinge 2 pont paeijments jaerlicks ende erfflicks pachts op Sinte Marie Magdalenen dach, wijt huijs ende hosstadt aen die affterstraet, belendingen: die pastoer van Lith; Peter Janss; de straeten; des dorps graft.

2 Vade mecum et ego tecum sic ibimus uno. hangdt die harijck na den wijnt / ende gelaet als een kijnt / zijt over al siende blijnt / haspelt ald atmen u spint / boven al zijt coel gesint / so sijdeij over al gemint / besiet wat hier gescreven staet / doet mij goet ick doe u quaet / set mij voert ick set u achter / doe mij eer ick doe u laster / ick ben verraeden onverdient / die mij verriet sceen mijn vrient / daer ick mij in twrouwen toe verliet / dat was die gene die mij verriet / die sijne vrient prueven sal / hij prueve hem sijn ongeval / want int geluck is de menich v.. / die inder noot niet en dient // ick had enen vrient als mij docht / mer doe ick vrunscap aen hem socht / doe en vant ick niemant thuijs / dus had ick enen vrient quantshuijs / ick woude dat niemant conste / vrientscap togen sonder gonste / want ten is egeen arger fenijn / dan vrient te fijnen ende viant te sijn / bloet van slangen is quaet fenijn / men vijnt tongen die arger sijn / mocht gelt drie dingen gheven / bloeijende duecht ewelijck te leven / schoon kijnderen vroom van jaren / dan mocht elck mensche wel ghilt vergaderen / Smenschen sinnen sijn so onstelt / tgaet luttel ijemant den rechten graet / om dattet tvolck dus deen dander quelt / claerlijck de weerelt op stelten gaet.

3 Goess Jan Wkens, Marcelis Henrick Thomas man Maria sijnre huijsvrouwe, Geertruijt Jan Wkens dochter, Johanna Jan Wkens dochter ende Elijzabeth Jan Wkens dochter, tsaemen wittighe kijnderen Jan Wkens wittelick verweckt bij Beertigen sijn wittige huisvrouw een dochter wijlen Jan van Heez Petrss met hoeren vercoren mombers te weten Goerdt Janss momber van Jan Wkens ende Goessen Janss van Heez momber van Beertgens, dragen over aan Wouter Peterss anderhalff hont lants in Lith after die hoeff, belendingen: Gijsbert Dircks; Cornelis Jacobs; Henrick Tomass; dat dijck recht vanden Ham. Testes Lambert Huijgen, Peter Lamberts.

4 Michiel Baeijenss belooft te betalen Jorien van Straesborch die sum van 6½ gulden op corsdach toecomende. Testes omnes scabini.