Archieven

1 Item Lambert Gijben heeft inden iersten ghegeven Agneesen onser maghet enen stuver ende een neghenmenneken; item Jan Lamberts heeft haer ghecoft een el viste.. voer 3½ stuver. Item Jan Lamberts noch haer ghecoft ten Bosch een paer schoen voer 7 stuivers; item noch haer betaelt tot Ghosen Diercks een paer dun scoen ende noch een paer scoen versoelt tsamen 6½ stuver. Item noch ghegeven Marija Ghosen van haer dochter neghen stuver doen sij soeck lach van haer te pleghen. Noch aldoen heer Willem van Bommel bij haer gehaelt daer van ghegeven 23 stuver. item noch IJken haer ghegeven doen sij haer.. aff vijf stuver noch ghegeven voer haren rock Alit Hanrick Ghosens 5 gulden ende 5 st. Item noch ghecoft Neesen een paer graeuwe hoosen voer – 9 stuijvers ende 3½ oert.

2 Goert Jans van Winsen ende Jacob Jans van Winsen ghebroeders verkopen Aert Beeken het dordendeel van enen mergen lans gheleegen inder heerlickheit van Lit ter plaetsen geheijten die westerbeemden, belendingen: den breeden wech; die vorste Jans hoeve; Aert Dierck; die rechtoer van suncte Caterijnen altaer in Lit. Voer schepen Jan Aert Seelen ende Peter Lamberts.

3 Gijsbert Masceliss tot Kessel belooft te betalen Aelken Lucas Goert Huijgen huijsvrouw die summe van 2 gulden ende 18½ stuver van nu over een maent nae datum van deesen als principael sculder. Testes Hanrick Reinders ende Jan Lambers.

4 Alaert Storm belooft te betalen Aelken Lucas Goert Huijgen huijsvrou die summe van 5 gulden ende 15 stuver als principael sculder op hem ende alle sijn goet nu Sunt Jacob apostel toecomende. Testes Jan Reinderss ende Jan Lambertss.