Archieven

161 'Gesien 't proces bedingt ende beleyt tusschen Jannen Bitsen Aertssoen als actie ende opdracht hebbende van den voer kynderen Jannen Roeffen veweckt van Yden synder huysvrowen, zustere ge..lyck zynde van Willem Aert Bitsen, ende Jan Alarts als man ende mommer van Gysberden Janssen ende inne dyer qualiteyten aenleggeren, ter eenre,
ende Mathys Joris Rutten, gedaechde ende verwerdere, ende midts synder afflyvichheyt Beelken zyn naegelaete weeduwer desumante, ende met hem Geertruyt weduwer wilneer Willem Aerts was gevuechde, ter andere zyden,
ende op all wel ende rypelyck geleth, geconcideert die voirscsreven Jan Bitsen is agerende als actie ende opdracht hebbende van den voirkynderen Jannen Roeffen, ende die selver ende die selve opdrachte nyet en is exhberende gelyck die verwerdere in den tweeden artikel van synder duplycke dat is versueckende ende sustinerende, ende dat oeck die selve aenleggeren nyet en zyn exhiberende d' acten van resilitie daer mede dat zij hen van den voergaende proces 't recht hebben bedanckt, gelyck oeck die verwerderen dat zyn sustinerende in den dorden artickel van den voirscreven duplicke,
wysen ende vercleren wij scepenen met advys van meesteren geleert in den rechte voer recht dat die voirscreven aenleggeren yers ende voer all schuldich sullen syn te exhyberen die voirscreven opdrachte daer mede dat is blyckende dat Jan Bitssen, aenleggere, totter voirscreven geintendeerde actie is gecoemen, ende oeck dat hy schuldich sal syn te exhibere d' acte van resilitie daer mede hij hem 't recht heeft bedanckt van de voergaende proceduere, den selven dair toe dach accorderende tot den yersten genecht dach toe nae de pronunciatie van desen omme tselve ierst gedaen ende geweesen te worden, zoe men nae de gelegentheyt van den zaecken zal bevynden te behoeren'.
Getuigen: 'in den volle gerichte der bancke van der heerlicheyt van Vechel