Archieven

41b [VERVOLG AKTE 2] die met deser dispositien niet te vreeden en wilde weesen maer hierteghens wilde opponeeren met recht oft daer buijten in eeniger manieren, den selven heeft sij berooft van syn legaet oft portie ende tselve beseth den anderen goetwilighde, besettende den selven opponent in plaets van dijen, eenen ouden grooten eens oft twee stuijvers eens daer voor indien hij binnens jaers gheeijst wordt ende anders niet – Item alles wes sy testatrix nae dato van desen mondelinghe oft by geschrifte by haer ondertekent alnoch ewegh sal maecken van van andere legaten die heeft sij gewilt datmen sal laten volghen ende uytreijcken ende om dit haer tegenwoordigh testament ter executien te stellen heeft daertoe tot executoiren gestelt Heer ende Meester Jacob Seijsenmakers priester ende meester des Grooten Gasthuijs ten tijde wesende ende den notaris van desen harwn tegenwoordigen testament ende elcke van hen besondere, gevende ende verleenende den selven vrij ende volcomen macht [118v] allen haer goeden haeft ende erft aenteverden te vercoopen te belasten te beswaren te vesten met vertijdenisse ende gelooften van waerantschappe ende andere op verbintenisse van alle haer testatersse ende deser executoiren goeden ende voorts generael ende speciael alles daer in te doene dat sij testatrix levende selver present ende voor oogen wesende daer in soude connen ofte mooghen doen, besettende elcken executoir voor een cleijn danckbaerheijt ses gulden eens ofte meer naer gelegentheijt heurs arbeijts ende oft eenighe van de voors. executoiren geraeckte te sterven oft dese executie recuseerden ’t aenveerden , d’ander in leven ende goetwillich wesende sullen ofte sal in plaets van de afflyvighe ofte onwillighe ende andere mogen stellen met gelycke macht ende salaris, tgeene des voors. is verclaerde die voors. testatrick te wesen haer testament lesten ende uytersten wille, reserverende nochtans haer macht tselve te mooghen wederroepen aff ofte toe te doen soo [119] haer sulcx believen

41 [VERVOLG AKTE] den prior des Convents der Predicaren voors. den Pater des Convents van den Regularissen opten Wintmoolenberch ende den meester int Groot Gasthuijs binnen deser stadt ten tijde wesende, de welcke de voors. seshondert gulden eens sullen ontfangen van haer testatrix rentbrieven totter selver sommen toe besragende, soo sulcx de executoiren goetduncken ende gelieven sal, ende terstndt nae doodt ende afflijvicheyt vande voors. testatrix sullen die voirs. collatoirs ende provosoirs stellen eenen goeden bequamen clerck de welcke de jaeren incomende [116] renthe ende vruchten vande voors. ses hondert gulden eens inde voors. universiteijt schoole sal hebben ende genieten den tyt van acht jaeren geduerende ende ten eijnde vande selve acht jaeren sullen die voors. collatoirs in sgeens voors. is voors. is altyt eenen anderen goeden bequamen jonghen versien ende stellen de welcke altyt sal moeten wesen een goet gemeyn catholyck borgers soon der stadt van ‘sHertogenbossche ende niemant anders beheltelycken nochtans in die daer iemant waer bequem van haer testrisse bloede dese voors. renthen om te studeren als voor begerende dat deselve preferente sal hebben voor eenen anderen, weder hy van buijten deser stadt oft van binnen is, ende oft deselve clerck mette voors. renthe versien wesende hem eenichsints abuseerden ende misdroegh in een quaet oneerl[yck] ofte negligent leven oft andersints, soo sullen die voors. collatoires ende provisoires hun daeraff altijt simpelisive [dubieus] sonder eenighe procedure ende solemnitijt van recht mogen priveren ende becoomen ende eenen anderen daer in versien ende stellen ende ten eynde dat de meester van den Grooten Gasthuijs voors. een van de voors. collatoirs ende provisoirs dese voors. jaeren incomende rethen ontfanghen ende beure ende ten hoochtijde van Paesschen weder hij die dan ontfangen sal hebben oft niet, neerstelyck ende getrouwelyck uijtreycken ende oock soo wanneer eenighe van dese renthe gelost ende gequeten sullen

41 Inden name ons heeren Jhesu Christi Amen.
Inden inhoude van desen tegenwoordighen openbaren instrumenten zij condt ende kennelyck eenen iegelycken dat inden jaere der geboorten desselffs ons Heeren duysent vyffhondert twee en tseventich style van Roomen ter vyftiensten indictien tsPausdoms onder alderheijlichste vaders heeren Pij [= Pius V - Mich. Ghislieri] die vyffste paus van dyen name indensevensten jare synre coronatien opten negensten dach der maent Martij voor mij notario openbawr ende den getuijgen naebeschreven in propre persoonen verschenen ende gecompareert is de eersame voorsichtighe maget Anna dochtere wylen Reijners Potteije sieck naeden lichaem nochtans haers verstants memorie ende vijff sinnen in alles wel machtich ende gebruijckende, gelijck eenen iegelycken haer aensiende ende gehoorende preecken claerlijck blycken mochte – Ende heeft in alder bester formen vuegen ende manieren als sy best coste van allen haren tydelycke goederen, gemaeckt ende geordineert haer testamente lesten ende vijtersten wille verclaert inne vuegen naebeschreven ierst ende voor als wede[r]roepende casserende ende te niet doende alle andere instrumenten, codicillen, leste ende uytertsen wille by haer voor dato van desen, tsij voor notaris ende getuijgen ofte enige andere autenticque persoonen in eenkige manieren gemaeckt ende uytgesproocken willende ende uyterlyck begerende dat alleen dit [114] haer tegenwoordich testament lesten ende uijtersten wille achtervolght ende van weerden gehouden sal worden, hetsij bij crachte van testamente codicillen lesten ende uijtersten wille oft alsulcke andere midts den welcken iemandts stervende mensche testament lesten ende uijtersten wille alderbest van werden gehouden ende achtervolgd mach worden – Niettegenstaende alles wes men hier in behoorden t’onderhouden ende achtervolgen, niet geheelyck onderhouden noch achtervolght en weere, oock niettegenstaende eenighe previlegien costuymen, herbrengen, stadt ofte landtrechten desen