Notaris-, schepen- en andere akten

459 Hanrick Hubrechts Hanrickss voir die een helft ende Hanrick Ariaenssoen ende Lambrecht Cornelissoen als mombaers over de onmondige kijnderen Ariaen Wijllemss voir die andere helft. Hebben erffelijck vercoft Wouteren Mathijs Vogelssen o.a. een stuck lants gelegen in die prochie van Sint Oeden Roede tot Overessel

81 Goijaert soene wijlen Wauter Goirt Vogels ende Jan Wouter Vogelssen hebben vercoft aen Peter soene wijlen Mathijs Wemmers eene losrente, als Hermen soene wijlen Dierck Hermes aende voirschreven Goijaerden opgedraegen hadde naerder blijckende anno 1618. Vuijt onderpanden te wesen uijt huijs, hofstadt, hoff etc. Gelegen ter plaetse inden Bossche, tusschen erfenisse Lendert Roeloffs vande Horck aen deen zijde, dander zijde ende deen eijndt genoemt die gemeijnte, streckende metten anderen eijnde aen erffenisse Wouter Willem Craenen.

258 Matijs soene wijlen Diricx van der Santvoirt, Lambert soene wijlen Jacops vande Velde man ende mombair van Maria sijn huijsvrouwe. Hanrick soene Matijs Vogelssen man ende mombair van Cristina sijnder huijsvrouwe. Tesamen wettighe ende gerechte erffgenaemen ende kijnderen wijlen Diricx vander Santvoort vande selven ende wijlen Mariken sijnder huijsvrouwe dochter wijlen Peter Gijsbertssen vander Coeveringh. Ende hebben gedeijlt landt, sant, hoijlant ende hautwasschen gelegen eensdeels onder Sint Oeden Roede ende oijck eensdeels onder Schijndel. Ende deselve condividenten aengecoemen ende aenverstorven van wijlen Gijsbrechten henne overledene broeder. Bij letteren van testamenten bij wijlen Gijsberden hennen voirschreven broedere gemaeckt ende onder heeren ende meesteren Goijaerden Luijcassen de Pulser is berustende.

127 Heer ende meester Goijart vander Santvoirt canonick tot Antwerpen, Matijs ende Gijsbert sijne broederen, Willem soene Jans Cluijtmans man ende mombair van wijlen Johanna sijn huijsvrouwe ende met hem Jan Claes Wauterssen vande Loo als mombairen van de onmundighen kijnderen van Willem Willems Franssen man ende mombair van Heijlwich sijn huijsvrouwe. Willem soene Hanrick Jan Geerlincx man ende mombair van Maria sijn huijsvrouwe. Hanrick soene Matijs Vogelssen man ende mombair van Cristina sijn huijsvrouwe. Ende die meesteren Goijart soe voir hem selve als hem mede fort ende sterck maeckende voir heeren ende meester Peteren van der Santvoirt oijck canonick tot Antwerpen voirschreven ende voir Jeneveva henne suster beijde absent. Kijnderen ende erffgenaemen wijlen Dierick Matijssen vander Santvoirt vanden selven ende wijlen Mariken sijnde huijsvrouwe dochter wijlen Peter Gijsbert Leunissen vande Coeveringhe. Ende hebben allen die voirschreven kijnderen ende erffgenaemen vercooft aen voornoemde meester Goijarden van Santvoirt tot behoeff van Jeneveva henne sustere een veldeken soo heijde als moir vuijtsteecken ende eijckeboem int voirschreven veldeken. Staende indie prochie van Vechell op Sontvelt.