Archieven

188a [VERVOLG AKTE] Hyer inne voorsien oft in eenigher tyt gebuerden dat eenich van de jonghes voors. binnen middelen tyden syns studioms (?) afflyvich werden, soe wilt de voorgenoemde Heer Geraert donatuer, dat men dan eenen anderen daer toe bequam wesende inde plaetse van d afflyvighen nemen sal, nijet de rijcxste maer van den aermsten ende gheen natuerlycke maer wettighe kynderen – Ende oft gebuerde dat eenighe van de jonghes totte sake voors. geeligeert synde binnen middele tyde hun stuioms hun ongereglt oft onbehoirlyck droegen ende soo hen des onwerdich maeckten, soo wilt de voorgenoemde Heer Geraert Creyt donatuer dat dan ende plaetse van deselve jonghen byde gheene in elck dorp ende parochie voors. van stonden aen een ander bequam jonghen geeligeert sal worden – Ende de vijffentwintichsten die vande eenendertich Carolus guldensende vyff st. tsiaers voors. jaerlycx overschieten sullen, wilt de voorgaende donatuer dat jaerlycx comen sullen te weeten deen helft oft die twelff ende een halve st. daer aff den gheene tot Alphen ende de andere twelff ende eenen halven st. den gheenen tot Diessen die de rente voors. jaerlycx in crijgen, ontfanghen ende voorts utgeven ende distribueren sullen tot behoeff van de jonghes voors. – Ende ten eynde allet tgheene des voors. is altyt vastelyck onderhouwen worde, soo is de voorgenoemde Heer Geraert Creyt donatuer in meijninghe soo hy seijde ende hoopt van de schoutene ende schepenen ende gemeynten der twee dorpen ende parochiën voors. respective [682] te vercrijghen brieven ende bescheet daer mede de selve …. sullen allet gheene dat voors. is altyt vast ende ordelyck te onderhouden – Ende in soo verre by myn Eerw. den Prelaet van Tongerloo inder tyt soude bevonden worden, dat allet selve nyet volcomelyck naeder …. intentie ende meijninghe des donatuers voors. onderhouden volcomen ende ende achtervolcht en worde –