Archieven

23 Wij prelaten edelen ende steden representerende de drije Staten slants van Brabant om tesstimeren (?) alsulcken consent als wij onsen genadichsten Heere den Coninck als Hertog van Brabant opten xv dach der maent van february inden jaere xv c ende achtentsestich hebben gegundt van te vercoopen ene losrente opt gemeijn landt van Brabant totter somme van drije hondert duijsent ponden Arthois int capitael om daermede te lossen onse obligatie daer te vooren tot gelijcke somme der coopluijden tot Antwerpen gelevert ende vuijt crachte van de welcke obligatien Sijne Con. Mat. sal de vs. selve somme in gereede penningen gefirneert ende voldaen geweest, achtervolgende de acten ende bescheede daeraff zijnde, hebben vercocht ende vercopen midts dese Heer Matheus Wals Christiaenss. van Linter priester tot Oisterwijck eene erffelycke rente van vyffentwintich Carolusgl. tsiaers tot twintich stuijvers van drije penningen oft grooten brabants tstuck voor elcken der voors. coopere ons daer voir heeft vuytgereyckt de somme van drij hondert der voors. Car.gul. eens die inde betalinge naer vuytwysen van de acte van de consente zyn betaelt ende geemplyeert daer aff wy ons houden wel vernuecht ende ghenotenteert ende geloven elck van ons voor alle ende int besunder die voors. jaerlycxse rente van vyffentwintich Car.gl. den voors. copere telcken halven jaere deen helft daeraff te geldene ende te betalem met gangbaren gelde by handen Mr. Jacob Bax onsen ghecommitteerde int quartier van ’s-Hertogenbossche oft andere die aldaer onsen gecommitteerde ende ontfangher van Co: beden in Brabant wesen sal, daeraff dierste halff jaer vallen ende verschynen sal opten xxix dach van januario naestcomende ende dandere opten xxix july daeraen volgende ende alsoo voorts van jaere tot jaere ende van termijn tot termijn ofte sesse weken naer elcken den vorige termyn onbegrepen, toeseggen ende gelooven voorts den voors. copere van nu voortane ter cause vande voors. jaerlycxse rente van xxv gulden [32] vrij