Mijn Studiezaal (inloggen)220.38 Index Beurzenstichtingen (220.38)
41 [VERVOLG AKTE] den prior des Convents der Predicaren voors. den Pater des Convents van den Regularissen opten Wintmoolenberch ende den meester int Groot Gasthuijs binnen deser stadt ten tijde wesende, de welcke de voors. seshondert gulden eens sullen ontfangen van haer testatrix rentbrieven totter selver sommen toe besragende, soo sulcx de executoiren goetduncken ende gelieven sal, ende terstndt nae doodt ende afflijvicheyt vande voors. testatrix sullen die voirs. collatoirs ende provosoirs stellen eenen goeden bequamen clerck de welcke de jaeren incomende [116] renthe ende vruchten vande voors. ses hondert gulden eens inde voors. universiteijt schoole sal hebben ende genieten den tyt van acht jaeren geduerende ende ten eijnde vande selve acht jaeren sullen die voors. collatoirs in sgeens voors. is voors. is altyt eenen anderen goeden bequamen jonghen versien ende stellen de welcke altyt sal moeten wesen een goet gemeyn catholyck borgers soon der stadt van ‘sHertogenbossche ende niemant anders beheltelycken nochtans in die daer iemant waer bequem van haer testrisse bloede dese voors. renthen om te studeren als voor begerende dat deselve preferente sal hebben voor eenen anderen, weder hy van buijten deser stadt oft van binnen is, ende oft deselve clerck mette voors. renthe versien wesende hem eenichsints abuseerden ende misdroegh in een quaet oneerl[yck] ofte negligent leven oft andersints, soo sullen die voors. collatoires ende provisoires hun daeraff altijt simpelisive [dubieus] sonder eenighe procedure ende solemnitijt van recht mogen priveren ende becoomen ende eenen anderen daer in versien ende stellen ende ten eynde dat de meester van den Grooten Gasthuijs voors. een van de voors. collatoirs ende provisoirs dese voors. jaeren incomende rethen ontfanghen ende beure ende ten hoochtijde van Paesschen weder hij die dan ontfangen sal hebben oft niet, neerstelyck ende getrouwelyck uijtreycken ende oock soo wanneer eenighe van dese renthe gelost ende gequeten sullen
Vervolg:
[116r] worden met raet ende advise van de anderen synde mede collatoirs wederomme belegen ter selver natueren, soo heeft die voors. testrix daer voor beseth ende gemaeckt vijfftich guldens eens oock te beleggen tot renthe, deen hellicht tot behoeff vande voors. meester voor synen voors. dienst ende administratie van desen ende d’ander hellight tot behoeff vande arme siekcne int voors. Groot Gasthuijs liggende, ende oft die voors. meesster in toecomende tyde gebreeckelyck oft onwillich waer in het uytreycken ende d’administratie van dese renthen voors. soo sullen die voors. twee andere mede collatoirs de geheele renthe vanden voors. des hondert gulden eens nae hen nemen ende die uytreijcken als voors. staet , ende daer voor behouden de geheel jaerlycke renthe van de voors. vijfftich gulden eens gecoomen etc. – Item die voors. testatrix beseth ende maeckt Jenneken Peters dochter van Boerdonck soo langhes ij leven sa lende langer niet alsulck eenen pacht van een mud roggen siaers als Wouter Heseacker haer jaerlyckx geldende is ende nae haer afflijvicheyt te coomen ende te erven aen het mannengasthuijs genoempt Jan de Wertgasthuijs staende binnen deser stadt [117] inde Ortenstraet over de Sevensteensche brugge – Item die voors. testatrix maeckt den notarius van desen haeren testament booven synen salaris ende loon alnoch twee gulden eens – Item die voors. testatrix beseth Stijntien haerde sustere geprofessyt inden Convente vande Regularissen opten voors. Wijntmolenbergh in soo verre sy haer testatrix overleeft hondert gulden eens om dit met consent haers oversten haer uijtgereijckt te worden aen cruijt ende andersints daer sij dat aen begeeren sal tsij hier inden voors. convent oft elders daer sij woonende is – Item maeckt ende beseth Heeren Jannen Potteije priestere haeren broedere eenen alsulcken renthe van achtien gulden siaers als Arent van Broeckhoven ofte die Heere van Loon haer jaeren geldende is – noch een alsulcken renthe van ses gulden siaers aen Peter die
Vervolg 2:
Lepper tot Berckel onder Oisterwijck haer jaerlyckx geldende is – Noch een alsulcken pacht van een mud roggen siaers aks Adriaen van Kerckwijck tot Boxtel haer jaerlycx geldende is ende noch een alsulcken pacht van een mud roggen siaers aen Jan Ariens tot Dinter op Vorstenbosch haer geldende is, omme byden selven Heeren Jannen soo langhe hij inde menschelijckheijt leven sal ende niet langer ter tochten gebruijckt ende [117r] beseten te worden ende nae doot ende afflijvicheijt vanden selven Heeren Jannen aen susters ende broeders ende susters ende broeders kijnderen de doode handt met de levende te deijlen in sterpe oft staecx gewijse ende met hooft voor hooft, salvo indien dat eenighe van hen met eenighe ketterije oft gueserije besmedt waren, dat deselve hiermede niet en sullen deijlen – Item maeckt noch Amdrosius haeren broedere ende Heijlkenen haerder sustere elcken ses gulden eens ende de drie kynderen Reyners Potteije haers broeders tsaem ses gulden eens – Alle de selve haer susters ende broeders susters ende broeders kynderen hiermede secluderende ende uytsluytende uyt alle haere andere goeden beyde haeffelyck ende erffelijck ende alle haer wettighe schulden betaelt costen van uijtvaert gedaen ende alle haer voors. legaten ende maekselen voldaen ende uytghereijckt wesende heeft die voors. testatrix alle hare resterende ende …rerende goeden daer sy niet aff gdisponeert en heeft beyde haefflyck ende erffelyck gereet ende ongereet hoedanich die wesen moogen beseth ende gemaeckt d’een dordendeel den Grooten Gasthuijs binnen deser stadt d’ander dordendeel tot behulp van schamele maeghden die hen begeren te begeven tot een geestelijcke staet ende [118] het dorde dordendeel den armen huijsarmen binnen deser stadt daert die executoiren goetduncken ende believen sal de selve daer in voor haer rechte erffgenamen instituerende ende oft daer iemandt waer hetsij legataris oft oft erffgenamen
Persoon in schepenakte:
Jan de Wertgasthuijs
Arent van Broeckhoven
Heere van Loon
Peter die Lepper
Adriaen van Kerckwijck
Groot Gasthuijs
Jenneken Peters
Wouter Heseacker
Jannen Potteije
Jan Ariens
Datering:
9.3.1572
Pagina:
113-119
Soort akte:
Testament
Plaats:
's-Hertogenbosch / Boxtel / Leuven / Keulen / Loon [op Zand ?] / Berkel
Toegangsnummer:
220
Inventarisnummer:
Bron:
Beurzenstichtingen
Geografische namen:
1 gedigitaliseerd