Archieven

17 Jan Lucas Aerts out ontrent lx jaeren geijdt soo recht is, verclaert dat hij de vs. plaetse oft voerhoef noijt voirder en heeft betimmert gesien dan de oude schuere en staet oft een cleijn wenich voerder, maer hoe verre tselve erff oft gemeynt is en weet hy nijet dan tselve voerhoef altoos heeft gelegen gelyck gemeynte ende dat hyt van jonx op noijt anders gesien en heeft;
Rykaert Gyben out omtrent lxxii jaeren geeijdt als voere, verclaert dat hy tvs. voerhooft noijt voirder betimmert em heeft gezien dan die oude schuere staet ende dat hij altoos tselve voerhooft ledich als gemeynte heeft sien liggen soe hy over lange jaeren aldair voerby en over heeft gegaen ende voor gemeynte aengesien heeft maer en weet nyet oft tselve erff oft gemeynte is;
Zeger Jacobss. out ontrent lxii jairen geijdt als voer, verclaert dat hy ontrent xix jaeren hier heeft gewoont ende dat hy altoos tvoirs. voirhooft ledich onbetimmert heeft sien liggen ende dat hij nyet en weet oft teselve erff oft gemeynte is; Ryckaert Pauwels out ontrent lxx jaeren als voere, verclaert dat hy over lange daer voerby gevaren heeft ende t vs. voerhooft altoos heeft ledich syen liggen onbetimmert maer en weet nyet hoe verre tselve erff oft gemeynte is;
Geraert Willem Hellincx out ontrent lxxiii jaeren gedaeght ende geeydt als voere, verclaert dat hy over lx jaeren tvs. voerhooft heeft ledich syen liggen onbetimmert ende datmen daer op hout leeghde ende over voere gonck ende stonde maar en weet nyet hoe verre tselve erff oft gemeijnte is
Willem Wouterss. out ontrent lv jaeren (?) geeydt als voerem accordeert met der disposition van Geraert Willems vs. ad verbum ende dat hy als momboir tselve heeft vercocht nae inhout der voirwoirden soe tesleve in syne quantiteyt gelegen is met syn gerechticheyt ende toebehoirten nae inhout der ouder brieven