Archieven

4 neercamer gote tot ende metten gebonden daer aen de vorste deure inden keucken is hangende metter gerechticheyt voir ter straeten vuyt linie rechte ende den Lyndtboom ende het ondersetsel opten naevolgende gedeelte sonder nochtans den selven Lijndtboom [er staat: Lijntdboom] voorder oft wijders metten vuytsetsele te mogen extendeeren te saemen oock mette timmeragie ende materiaelen vanden brauhuys hof boomgaert ende erfve dyen aenliggende in vuegen alles tselve behoorlycken is afgepaelt rechten ende toebehoorten groot ontrent een loopense lants ofte soo groot ende cleyn tselve is gestaen ende gelegen inde parochie van Schyndel onder tLutteleynde ontrent de Kercke ende den Wildeman genoemt, den gemeijnen wech, Jacob condivident, Herman Terebel condivident, hier vuyt sal men jaerlicx vergelden seven gulden aende taeffele van den H.Geest in Schyndel te los met hondert sestien gulden vermellens de brieven ende alnoch het dordepart van de chijnsen daer vuyt van rechts wegen te vergelden staende aenden Heere van Helmont ende tonderhouden gebuerlicke lasten; de momboiren tbv Jacob Cornelis is te deel gevallen het achterhuijs metten waege ende gewichte opcamer achtercamerken ende den geheelen kelder hof boomgaert ende erfve met synen rechten ende toebehoorten