Archieven

127 Heer ende meester Goijart vander Santvoirt canonick tot Antwerpen, Matijs ende Gijsbert sijne broederen, Willem soene Jans Cluijtmans man ende mombair van wijlen Johanna sijn huijsvrouwe ende met hem Jan Claes Wauterssen vande Loo als mombairen van de onmundighen kijnderen van Willem Willems Franssen man ende mombair van Heijlwich sijn huijsvrouwe. Willem soene Hanrick Jan Geerlincx man ende mombair van Maria sijn huijsvrouwe. Hanrick soene Matijs Vogelssen man ende mombair van Cristina sijn huijsvrouwe. Ende die meesteren Goijart soe voir hem selve als hem mede fort ende sterck maeckende voir heeren ende meester Peteren van der Santvoirt oijck canonick tot Antwerpen voirschreven ende voir Jeneveva henne suster beijde absent. Kijnderen ende erffgenaemen wijlen Dierick Matijssen vander Santvoirt vanden selven ende wijlen Mariken sijnde huijsvrouwe dochter wijlen Peter Gijsbert Leunissen vande Coeveringhe. Ende hebben allen die voirschreven kijnderen ende erffgenaemen vercooft aen voornoemde meester Goijarden van Santvoirt tot behoeff van Jeneveva henne sustere een veldeken soo heijde als moir vuijtsteecken ende eijckeboem int voirschreven veldeken. Staende indie prochie van Vechell op Sontvelt.