Alzoe Aert Sijmon Gerits vercoft hadde Gerit Jans van Boert een stuck beemps en een stuck eckerlands gelegen in de parochie van Beeck, op die Boerdonck als dat in scepen brieven van Erp huijden op datum van desen gemaeckt breder verclaert is. Soe is gestaen voer ons scepen vs. die vs. Gherit en heeft openbaerlijck bekent en den selven Aerden, wederom geloeft als principael sculder op hem alle zijn goet dat Aert vercoeper sal moegen lossen en quijten die loss stucken erffs ten wijgen daegen op Lichtmisse met vijftich Carolus gulden xx stuivers voer den gulden ofte ander gelt nae deser valuatie met conditien dat hij te Korssmisse te voeren opseggen sal en dat lant tot september daer nae te verlaeten, oeck met conditien dat Gherit geen eijcken opgaend hout aff houden en sal. Datum anno xv twee en veertich den vi januarij. Testes Joerden Jans, Aert van Hout.