Archieven

183 Marij dochter wijlen Dirck Mijs, verweckt bij Marien sijnder huisvrouw, dochter wilen Peter Emonts, cum tutore, heeft erffelick vercoft en opgedragen den kijnderen Wouter Peter Emonts hun kijnsgedeelte hen toegedijlt ende aenverstorven van Peter Emonts en Marien sijnder huijsvrouw haeren alders, te weten een stuck lants van den Varen Ecker, deen sij Aert Jan Aelberts, dander sij haer mede deijlers, een eijnt Aert voirs. Noch een stuxken lants geheijten dat Ersterster Roet stuck, deen sij haer mede deijlderen, dander sij Beel Aert Joeris, beijde die eijnden Aert Sijmons. Noch een sijl bempts int Ersterste Leeck, deen sij Hoeb Hoeben, dander sij Gerit Henrixs van Grotel met meer anderen, het eijnt die Aa. Sullen daer vuijt gelden eenen halven stuiver chijns int boeck van Helmont. Noch drie vaet rogs aen den kijnderen Gerit Joerdens. Noch x stuivers v penningen gewijn chijns. Voert geloeft die voirs. Marij werscap voer voerderen commer. Actum anno xv lxi x dagen in februarij. Testes Joerden Jans, Sander Henrixs.