Archieven

20 Jan Peterss ende Dirck Joestenss beloven Cornelis Goertss die summe van 16 carolus gulden tsiairs 6 jairen lanck duerende altijt verschijnende op bamisdach. Actum et testes ut supra.

19 Aerdt van Berkel schouteth van Maeslandt heeft verpacht in rechter verpachting Udo Gerit Stormss die voechdie van Grooth Lith met allen rechten ende toebehoirten als van altz, dair toe behoirt hebben een termijn van 6 jaeren lanck duerende achtervolgende deen den anderen [marge: incipiens xxij-a aprilis anno xlij], op conditien dat Aert van Berkel voers tzelve met 3 jaeren sal moigen opseggen, wair voer Udo voers heeft geloeft den schouth voers jairlijcx te betalen die summe van 7 carolus gulden; ende indien Udo voers die schaer weijen opten Ham met recht tonbruijc gemaict wordde, soe sal hem die scholtz voers dair voer jairlijcx cortten 3 carolus gulden, wair af den iersten termijn verschijnen sal opten 22en aprilis anno 43, ende tot meerder zekerheijt heeft Peter Storm Dircxss geloeft voir die voers summe op hem ende alle zijne gueden hebbende ende namaels vercrijgende als zijn proper eijgen schult. Testes Peter Goertss, Cornelis Goertss, Reijner Cling ende Jan Dircxss.

18 Jan soen Jan Henrick Clingenss verkoopt Geritden Everaertss eenen erfchijns van 20 stuveren jairlijcx te betalen op onser vrouwen lichtmis dach, vuijt huijs ende hof in Littoeijen aende Langwijck, belendingen: Claes Dircxss; Jan Willem Goessens erfgenamen; de Enge; de gemein straet. Testes Cornelis Goertss ende Reijner Janss.
ERONDER: Dit gesciet zijnde heeft Gerit Evertss bekendt ende mede geloeft dat Jan Janss voers den voerg. erfchijns altijt lossen ende quijten mach met 15 carolus gulden ende mit den pacht. Actum et testes ut supra.

17 Henrick Geritss bekent dat Lammert zoen wijlen Marcelis Gijsbertss 2 mergen lants in Littoijen in Robberts hoeve die Henrick Geritss voers van Willem Cling Dircxss als momboir der kinderen wijlen Goert Cling gecoft heeft, lossen mach binnen 8 jaeren nae datum van desen. Testes Peter Goertss ende Reijner Cling.