Archieven

5 Wij hier onder geschrevenen ende desen ondertekent hebbende attesteren bij dien dat op huijden date van desen voor ons gecompareert syn geweest in hunne propre persoonen Andries jan Smeetss/out ontrent tseventich jaeren ende Willem Wouter Schepens out ontrent tsestich jaeren ende hebben op hun manne waerheijt vercleert hun wel kennelyck te wesen dat Henrisken Dirick Joppenss. verweckt by Grietkenen Jan Drie sdochtere twee vander gerechte maesschappe van Peter Oom, der welcke erffgenaemen ofte naecomelingen Jacob van den Eijnde saliger by ordinantie van seecker testamente beset heefft eene jaerlycken pacht van twee mudden roghs tot onderstant ende voorderinge van eenige jonge scholieren, die welcke schuer (?) ofte morgen van synen bloede opten maesschap souden sijn mogen mede vercleerende sy comparanten voors. nyet te weeten dat enige studenten deser tijt naerder dan Henricken voors. daertoe gerecht souden mogen sijn, oock nyet wetende dat de twee kynderen van Henrick Gielens verweckt by Petra Jan Goorts dochtere de welcke dese voors. rogge, met noch twee andere mudden by denselven testateur in die voegen oock beseth, souden sy van den bloede Jacobs voors. waerdeur sy sulcx souden behoren te possesseren – Aldus verclaert op den xviii january 1613 ende des toirsonde ondertekent ende [11] was onderteekent aldus ita attestor Guilielmus Coolen pastor tot Someren ende Joes Henrici officiant in Someren.