Archieven

46a [VERVOLG AKTE] die hy nae syn doot achterlaten sal het overschot van alle ende eenieghelycke goederen roerende ende onroerende in [141r] wat plaetse sy bevonden sullen worden alle schulden voldaen synde die maeckt ende laer hy testateur vs. synen schamele vrienden ende bloet gewanten die affgecoomen syn van Lammert Ooms (?) synen vader ende Elisabeth Gruyters moeder syns testateur, eest datter eenighe syn andersints wesen ende berooft van ouders diet van doen hebben tot dat die tot haren ouderdom gecoomen syn, in welcke dat sy hennen costen clederen ghewinnen konnen te verdeijlen inder manieren hier naer volgende alsoo te weeten dat de executeurs ofte proviseurs syns testateurs lesten ende wuytertsen wille het overschot van syne roerende goederen sullen aenleggen tot erfrenten tot behoef van de voerschreven aermen ende die mette andere syne onroerende goederen sullen sy verdeylen den voirs. aermen van syns testateurs bloet als boven nae hen concientie ende daer aff sullen sy reeckening bewijs ende reliqua doen in tegenwordicheyt van de pastoor oft plaetshouder vanden pastoor van Westerhoven alle jaer op Ste Geetruyt maget dach oft daer ontrent de voorschreven aermen reeckent ende estimeert hy wy gereckent ende gesestimeert hebben, der welcker ouders aendeel niet en is bedragende boven die vier mudden roggen tsiaers erfpachts gereckent elck der voorschreven mudde op vyfentwintich gl. karolus eens als boven en oft eenighe van sulcken armen oft henne ouders den executeurs uytreyckers deser aelmissen lastich vielen oft hen dreychden ofte hen quelden met recht oft andersints met eenige onbehoorlycke manieren quelden sulcken heeft ghewildt hy voorschreven testateur [142] dat die door sulcken daet sullen mismeten ende hen ontoghen werden alsulcke portie als hen hier gelegeert ende gemaeckt is ende dat sal men geven ende uyt deylen nae tgoetduncken ende concientie van de selve syne executoiren ende dispensatoren – item heeft gelegateert ende gemaeckt den voirs. testateur,