Op de plycke stont geschreven Byden Coninck in syne Raede onderte: P.Berthem ende was daeraen hangende den voors. zegel in roden wassche etc. ende in dorso van den selven brieff stont: die president ende luyden van den camere van reeckeninghe in Brabant gesien hebbende den inhoude van desen wette ende hierop gehadt d’advys van Marten Fierlants raedt ende rentmeester generael der domeijnen van Brabant int quartier van sHertogenbossche hebben inden naeme ende van wegen henne hoocheden getaxeert ende taxeren by desen dat voor recognitie ende consente van desen tegenwoordigen octroije de Heer Henrick Holtrop Duyts Ordens Ridderen ende Commandeur tot Gemert eeuwelyck ende erffelyck sal betalen tot behoeff van haer vs. hoocheden acht ponden arthois in handen van den voors. [60r] Rentmeester ende sijne nacomelingen hen in officie ende tot dien eynde paesseren voor Leenmannen van sHertogenbossche syne verbantbrieven, verbindende tot dien eynde de erffgoederen die hy sal hebben gecocht totter fondatie op d’ander zijde vermelt, dien volgende soo syn dese tegenwoordighe brieven van octroij inder voors. camere geregistreert in ’t register boven geintituleert ‘registre de litteris dad vertissements et nouveau acquastet commancent Lan xvi c huict fol. xxxi et sequentibus – Actum tot Brussele etc. bovere (?) vande voors. camere den xviii februari 1614 ondertekent A. de Zoete – Soo ist dat op heden datum deses is gecompareert geweest voor den voors. Marten Fierlants raedr ende rentmeester generael van haere voors. hoocheden ende domeijnen int quartier van sHertogenbossche ten overstaen ende int bywesen van Heeren Leenmannen naergenoemt d’Eersame Hendrick van Soerendonck notaris openbaer ende inwonende borger deser voors. Stadt van s’Hertogenbossche als tot tgene