'Ende overmits die clynheyt der guederen ende de grootheyt der schulden ende om die te voldoen ende 't voorschreven mackselen van hondert ende vyfftich gulden de resterende guederen nauwelyckx genoch syn soude wesen, ende alsoe verscheyne dat de voorkynderen bastaerden soude moeten wesen, hebben hen oock willen houden aen den goeden gecomen van Gysbert Joris hen heerken. Ende syn doch de creditueren dier entusschen nyet still en hebben willen sitten ende hennen schulde ende renten vordende ten groote schande ende schaede der erffgenamen'.
Het volgende is overeen gekomen. 'Soo dat sy van vortaen een kynderen soude syn ende schade ende vorten tsamen effen diep, droeghen, sonder d'een den anderen ennigsins te begrooten oft begrynssen, te weten Willem Hanrickx voor Claessen ende den onmundighen kynderen ende Merten Laureynssen voor Willem Aert Loyen. Soo is voorwaert dat Willem Aerts sal hebben oft vynden aen syn gecofte erffe eens de somme van vertich gulden daer voer hy oock 't gelaech sal betaelen op huyden verdronken, doodende hier met het legaet oft macksel van hondert gulden ende die vyftich hem tot vuytsetsel gegeven oft hy 'd nyet gehadt hadden, ende sullen alle guederen de schult tsamen betaelt hebbende tsamen gelyckeyck hooft voor hoft deylen nae inhoudt der testamenten, sonder d'een den anderen ennighe questie te mogen moveren,
Getuigen: als voor