Archieven

216 Henrick soone wijlen Jacop Geritss heeft de olijmuelen binnen Oss metten gereetschappe tegenwoirdelijck daerbij sijnde gelijck de selve is staende binnen de veste aende hoevel, tzaemen metten gerechticheden daertoe behoirende ende de huijsinghe ende groont vuijtgescheijden, als naementelijck den bedwanghe der voors olijmulen ende olijslachs mette ganscuijlen, vercocht aan Gerit Janss ende Jacop Bernts. Belst met den gewijnchijns van 27 stuivers 3 oirt vuijte voirs olijmuelen, bedwanghe der selver ende den olijslach van dijer ende vuijte voirs granskuijlen den hooghen renthmr. daeruit te vergelden staende noch de somme van 5 gulden 10 stuijvers siaers aen N. Gerwen ten Bossche.
Actum 14-5-1610, testes Adriaen Henrick Seberts ende Cornelis Aertss, scabini in Oss.
Gerit Janss ende Jacop Bernts beloven Henrick soone wijlen Jacop Geritss de somme van 200 gulden te bamis dach ierstcomende; item alnoch de somme van 100 carolus gulden metten interest tegens thondert sess gulden te bamisdach ierstcomende over een jaer ter cause vande bovengeveste olijmuelen. Actum et testes ut supra.