Archieven

330 Willem soen wijlen Jan Sanders wittich man ende mombair Peterken sijnder huijsfrouwen dochter wijlen Dirck Lambrechtssen van Tartwijck verweckt bij Geertruijt sijnder huijsfrouwen. Ende Hubrecht ende Jan gebroeders ende Jan Daniels wittich man ende mombair Geritken sijnder huijsfrouwen, ende Jan Jacobs wittich man ende mombair Geritken sijnder huijsfrouwe. Alle kijnderen Lambrechts soen wijlen Dirck Lambrecht voirschreven, verweckt bij Truijcken sijnder huijsfrouwen dochter wijlen Goijart Wouter. Ende hebben erffelijck gescheijden ende gedeijlt, twee huijsen, hofsteden, scueren met allen hennen landen, bemden, etc. Den mede erffgenamen Dirck Peters ende Gertruijt sijnder huijsfrouwen te deel gevallen so in scheijdinghe ende deijlinghe mits .. soen Dirck Wijllems? Een huijs, hofstat metter scuer, bachuijs, scop, dair Gerit Wijflets op woenende ende in sijnder pachtinghe heeft met allen sijnder toebehoirten neven die gemeijne straet metter eender sijde ende een eijnde, dander sijde die condividenten dande eijndt Thonis Wijllems.